كه‌شناسی هه‌رێم به‌رزترین پله‌ی گه‌رمی تۆماركراوی ئه‌مڕۆی راگه‌یه‌ندرا
  2019-06-05       1317       

كه‌شناسی هه‌رێم به‌رزترین پله‌ی گه‌رمی تۆماركراوی ئه‌مڕۆ(چوارشه‌ممه‌)ی له‌ناوچه‌ جیاجیاكانی باشوری كوردستان بڵاوكرده‌وه‌و ده‌شڵێت؛ به‌رزترین پله‌ی گه‌رمی تۆماركراو له‌خانه‌قین بوه‌ 49 پله‌ بوه‌.

ئاوێنه‌: به‌پێی راگه‌یه‌ندراوێكی به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێمی كوردستان، ئه‌مڕۆ پله‌ی گه‌رمی له‌ ناوچه‌ جیاجیاكانی باشوری كوردستان به‌رزبونه‌وه‌ی به‌خۆیه‌وه‌ بینیوه‌.

به‌گوێره‌ی كه‌شناسی به‌رزترین پله‌ی گه‌رمی ئه‌مڕۆ له‌ خانه‌قین تۆماركراوه‌ كه‌ 49 پله‌ی سه‌دی بوه‌ و دوای ئه‌وێش له‌ هه‌ر یه‌كه‌ له‌ شاری كه‌ركوك و شارۆچكه‌كانی خورماتو و مه‌یدان به‌رزترین پله‌ی گه‌رمی تۆماركراوه‌ كه‌ گه‌یشتۆته‌ 44 پله‌ی سه‌دی.

به‌پێی راگه‌یه‌ندراوه‌كه‌ی كه‌شناسی به‌رزترین پله‌ی گه‌رمی تۆماركراوی ئه‌مڕۆ له‌ هه‌ولێر و هه‌ڵه‌بجه‌ 41 پله‌و له‌ سلێمانی و دهۆك 40 پله‌ی سه‌دی بوه‌.

هه‌ر به‌گوێره‌ی كه‌شناسی هه‌رێم، ئه‌مڕۆ قه‌زای پێنجوێن فێنكترین ناوچه‌ی باشوری كوردستان بوه‌ كه‌ به‌رزترین پله‌ی گه‌رمی تۆماركراو له‌و ناوچه‌یه‌ 29 پله‌ی سه‌دی بوه‌.

زۆرترین بینراو
© 2024 Awene Online, Inc. All Rights Reserved.
×