پەرلەمانتارێك: سوتاندنی دەغڵ‌و دانەكان دەستی وڵاتانی ناوچەكەی تێیدایە
  2019-06-08       229       

 

ئەندامی پەرلەمانی عێراق لەفراكسیۆنی پارتی، شاخەوان عەبدوڵا رایدەگەیەنێت سوتاندنی دەغڵ‌و دانەكان دەستی وڵاتانی ناوچەكەی تێیدایە‌و بەشێك لەمیلیشیاكانیشی تێدایە.



ئاوێنە: شاخەوان عەبدوڵا، ئەندامی پەرلەمانی عێراق لەفراكسیۆنی پارتی بە میدیای حزبەكەی راگەیاندوە هۆكاری سوتانی دەغلودانی جوتیارانی كەركوك دەستی وڵاتانی ناوچەكەی تێدایە، پێشی وایە ئەوەی رودەدات هەڵەی وەزیری بازرگانی حكومەتی عێراقە، دەشڵێت "ئێمە لە سەرەتاشەوە بە لایەنی عێراقیمان ڕاگەیاندووە بابەتی سووتانی دەغڵودانەکان دەستی داعش تێدا نییە، بەشێک لە میلیشیاکان بە جێبەجێکردنی ئەجێندای دەرەکی دێن و دەغلودان دەسووتێنن، بەتایبەت لە ناوچە کوردستانییەکان، بەڵام بۆ نموونە لە سنووری خورماتوو، ئامرلی و ناوچەکانیی بەشیر و یایچی لە سنووری کەرکووک دەغڵیان ناسووتت، چونکە تورکمانی شیعەی لێیە".



راشیدەگەیەنێت لەتكریتیش زەوی بەشێك لەعەرەبە سوننەكان دەسوتێنرێت، دەشڵێت "بەڵگە هەیە كە ئاگر لەتەنیشتی رەبایەیەكی پۆلیسی فیدراڵییەوە دەستی پێكردوە".


زۆرترین بینراو
© 2018 Awene Online, Inc. All Rights Reserved.
×