فواد حسێن باس له‌به‌شه‌ ‌بودجه‌ی هه‌رێم بۆ ساڵی داهاتو ده‌كات
  2019-06-10       355       

فواد حسێن، وه‌زیری دارایی عێراق رایگه‌یاند، له‌ئێستاوه‌ كار له‌سه‌ر بودجه‌ی ساڵی داهاتوی عێراق ده‌كه‌ن و گه‌شبینی خۆیشی نیشاندا كه‌ به‌شه‌ بودجه‌ی هه‌رێمی كوردستان بۆ ساڵی داهاتو وه‌ك خۆی بمێنێته‌وه‌.

ئاوێنه‌: فواد حسێن، ئه‌مڕۆ(دوشه‌ممه‌)، دوای به‌شداریكردنی له‌ڕێوڕه‌سمی سوێندخواردنی سه‌رۆكی هه‌رێمی كوردستاندا، له‌ لێدوانێكدا بۆ رۆژنامه‌نوسان رایگه‌یاند كه‌ قۆناغی داهاتو بۆ هه‌ولێر و به‌غدا گرنگه‌.

فواد حسێن به‌ پێویستی زانی به‌غداو هه‌ولێر دانوستان له‌سه‌ر ئه‌و پرسانه‌ بكه‌ن كه‌ ناكۆكیان له‌سه‌ره‌، له‌وانه‌؛ پرسی مادده‌ی 140ی ده‌ستور، سیاسه‌تی نه‌وت و پرسی بودجه‌ی ساڵی داهانو و چه‌ند پرسێكی دیكه‌.

وه‌زیری دارایی عێراق ئه‌وه‌شی خسته‌ڕو كه‌ هه‌ر له‌ ئێستاوه‌ ده‌ستیان به‌ كاركردن له‌سه‌ر بودجه‌ی ساڵی داهاتوی عێراق كردوه‌و باسی له‌وه‌ش كردوه‌و تا ئێستا سێ بۆ چوار كۆبونه‌وه‌یان كردوه‌.

سه‌باره‌ت به‌ به‌شه‌ بودجه‌ی هه‌رێمی كوردستانیش بۆ ساڵی داهاتو وتی"ئیشه‌ڵا هه‌مو كێشه‌كان چاره‌سه‌ر ده‌بن و ساڵی داهاتو باشتریش ده‌بێت."


زۆرترین بینراو
© 2018 Awene Online, Inc. All Rights Reserved.
×