ئاسایشی هه‌ولێر: ده‌ست به‌سه‌ر 48 كیلۆ هیرۆیندا گیرا
  2019-06-16       660       

ئاسایشی هه‌ولێر رایگه‌یاند، له‌نزیك شارۆچكه‌ی حاجی ئۆمه‌ران ده‌ستیان سه‌ر زیاتر له‌ 48 كیلۆگرام مادده‌ی هۆشبه‌ردا گرتوه‌ كه‌ له‌جۆری هیرۆینه‌.

ئاوێنه‌: به‌ڕێوه‌به‌رایه‌تی نه‌هێشتنی مادده‌ هۆشبه‌ره‌كان له‌ بەرێوەبەرایەتی گشتی ئاسایشی هەولێر له‌ڕاگه‌یه‌ندراوێكدا بڵاویكرده‌وه‌ كه‌ شه‌وی رابردو 15ی حوزه‌یرانی 2019، ده‌ست به‌سه‌ر بڕی 48 كیلۆ و 700 گرام مادده‌ی هۆشبه‌ردا گیراوه‌.

هێمای بۆ ئه‌وه‌ش كردوه‌ كه‌‌ پێشوه‌خت زانیارییان له‌باره‌ی مادده‌ هۆشبه‌ره‌كه‌وه‌ هه‌بوه‌.

له‌ڕاگه‌یه‌ندراوه‌كه‌دا هاتوه‌"ئەفسەر و کارمەندانی بنکەی نەهێشتنی ماددە هۆشبەرەکانی حاجی ئۆمەران، سەربە بەڕێوەبەرایەتی گشتی نەهێشتنی ماددە هۆشبەرەکان دوای بەدواداچونێکی زۆر و روبەروبونەوە لە نزیك شارۆچکەی حاجی ئۆمەران، توانیان دەست بەسەر ئه‌و بڕه‌ ماددە هۆشبەره‌دا بگرن كه‌ لە جۆری هیرۆین-ه‌."


زۆرترین بینراو
© 2024 Awene Online, Inc. All Rights Reserved.
×