پەرلەمانتارێکی گۆڕان لهپهرلهمانی كوردستان رایگهیاند؛
ماوەی زیاتر ساڵێکە دۆخێکی نائاسایی دروست بوە بەهۆی بونی چەندین باند و گروپی چەکدارەوە،
کە ئێستا ئەو گروپانە بون بههێزی تاکەکەس و بە جۆرێک لە جۆرەکان سەرانەش لە خەڵک وەردەگرن.
ئاوێنه: شاخەوان رەئوف بەگ، پەرلەمانتاری گۆڕان و ئەندامی
لیژنەی پێشمەرگەو ناوخۆ و ئاسایش لە چاوپێکەوتنێکیدا لەگەڵ میدیای رهسمی حزبهكهی
رایگەیاند؛ بونی چەندین باند و گروپی چەکدار وایکردوە دۆخی سیاسی و بەتایبەتیش ئەمنی
هەرێمی کوردستان بە ئاقارێکی دیکەدا ببات پێشیوایە ئەگەر حکومەت بەر بەو دیاردەیە نەگرێت،
دۆخەکە زۆر ئاڵۆز دەبێت.
وتیشی"لەئێستادا شیرازەی ئەمنی هەرێم تێکچوە و وایکردوە
بێسەروبەرەیی زۆر دروست بوە، بۆیە ئەرکی وەزارەتی ناوخۆ و حکومەتە کە رێگەچارەی گونجاو
بدۆزنەوە."
بەوتەی ئەو پەرلەمانتارە "چەندین کۆمپانیا بەناوی سیکیوریتییەوە
دروست بون، کە کۆمپانیای شەخسن و بەشی زۆریان هی بەرپرسەکانە، بەهۆی نەبونی بەرنامە
و رێکنەخستنی ئەو کۆمپانیایانە، وایکردوە کەس و بەرپرسەکان بۆ کاری تایبەتی خۆیان بەکاریانبهێنن."
باسی لهوهش كردوه كه "بونی ترس و دڵەراوکێ لای بەرپرسەکان،
وایکردوە پەنا بۆ دروستکردنی هێزی تایبەت و فەوج و گروپی چەکدار ببەن، ئەوەش تا سەر
بەوشێوەیە نابێت و پێویستیشە ئەو بەرپرسانە خۆیان دەستبەرداری ئەو هێزانە ببن و خۆیان
مەدەنی بکەن."
شاخەوان رەئوف بەگ ئاماژەی بەوەشکرد"هەندێک گروپ و باند
بە سودوەرگرتن لە خراپی دۆخەکە، بەشێوەی مافیایانە مامەڵە دەکەن و هەڵدەکوتنە سەر کەسە
دەوڵەمەندەکان و کۆمپانیاکان و سەرانەیان لێوەردەگرن."