2019-06-18   912     
عەلی باپیر
عەلی باپیر ئەمیری كۆمەڵی ئیسلامی رایدهگهیهنێت، كابینهی نوێی حكومهتی ههرێمی كوردستان ئهوانی تێدا نابنو بهشدارییان پێ ناكرێت.
ئاوێنه: ئەمڕۆ سێشەممە شاندێكی باڵای كۆمەڵی ئیسلامی بەسەرپەرشتی عەلی باپیر ئەمیری كۆمەڵی ئیسلامی سەردانی یەكگرتوی ئیسلامیان لەشاری سلێمانی كردو لەلایەن سەڵاحەدین محەمەد بەهائەدین ئەمینداری گشتی یەكگرتوی ئیسلامیەوە پێشوازیانلێكرا.
دوای کۆبونەوەکە عەلی باپیر لەکۆنگرەیەکی رۆژنامەوانیدا لەبارەی بەشداریکردنیان لەحکومەتی ههرێم رایگهیاند، "کابینەی نوێ ئێمەی تێدا نابین. لەمێژە لەلای منەوە یەکلابۆتەوە، من هەر لەسەرەتاوە گوتم ئەم وەزعە وادێتەبەرچاو کە ئێمە بۆمان نەگونجێت بەشداربین".
لهبارهی كۆبونهوهكهیان لهگهڵ كۆمهڵ، سەلاحەدین محەمەد بەهائەدین وتی، "گفتوگۆمان لەسەر دوایین گۆڕانكارییەكانی ناوچەكەو هەرێمی كوردستان كردو جەختمان لەسەر بتەوكردنی پەیوەندییەكانی نێوانمان كردەوە."