ئومێد خۆشناو، سەرۆكی فراكسیۆنی پارتی لەپەرلەمانی كوردستان رایدەگەیەنێت پێشتر مەحمود سەنگاوی سكاڵای یاسایی لەدژ تۆمار كردوە لەسەر ئەوەی باسی لەوە كردوە كە چەكی میلانی فرۆشتوە، دەشڵێت "دیڵمەوە مەحمود سەنگاوی چەكی میلانی بەداعش فرۆشتوەو ژمارەی میلانەكەم لایە".
ئاوێنە: ئومێد خۆشناو وەڵامی مەحمود سەنگاوی، ئەندامی مەكتەبی سیاسی یەكێتی نیشتمانی كوردستان دەداتەوەو رایدەگەیەنێت لەگەرمەی شەری داعش مەحمود سەنگاوی چەكی لەسەنگەرەكانی پێشمەرگە دزیوەو بە قاچاخ فرۆشتویەتی، باس لەوەش دەكات هەرچەندە پێشتر لەسەر ئەو قسەیەی سكاڵای لەدژ تۆمار كراوە بەڵام جارێكی دیكە دەڵێت "دەیڵمەوە مەحمود سەنگاوی چەكی میلانی بەداعش فرۆشتوەو ژمارەی میلانەكەم لایە".
راشیدەگەیەنێت كە گوناهی ئەوان نیە كورەكەی سەنگاوی هەڵنەبژێردراوە، دەشڵێت " گوناحی ئێمە نییە، کوڕەکەت لەلایەن حزبەکەی خۆتەوە هەڵنەبژێردرێت، کوڕەکەت کە بێئیشە و دانیشتووە دۆمینە دەکات، خۆ پارتی ڕەتی نەکردووەتەوە، ڕومان لە سەرکردایەتی و مەکتەبی سیاسی و خەڵکی عاقڵی ناو یەکێتییە، وەڵامیان بۆ ئەو دەربڕینانە هەبێت و سنووریان بۆ دابنرێت، چونکە ئەمڕۆ ئەگەر ڕێ لەو چەتەیە نەگیرێت، چەتەی دیکەش سبەی دێتە دەنگ ".