هاوپەیمانی عەرەبی بەسەرۆكایەتی سعودیە رایگەیاند، حوسییەكانی یەمەن
هێرشیان كردۆتە سەر فڕۆكەخانەی نێودەوڵەتی "ئەبها" لە باشوری وڵات و
هێرشەكەش كوژرانی كەسێكی سوری و برینداربونی حەوت كەسی دیكەی مەدەنی لێكەوتۆتەوە.
ئاوێنە: وتەبێژی هاوپەیمانی عەرەبی بەسەرۆكایەتی سعودیە، رایگەیاند، سەعات
9:10 خولەكی ئێوارەی ئەمڕۆ یەكشەممە، حوسییەكانی یەمەن كە لەلایەن ئێرانەوە
پشتیوانی دەكرێن، "هێرشێكی تیرۆریستی"یان بۆ سەر فڕۆكەخانەی ئەبها
ئەنجامداوە.
هێمای بۆ ئەوەش
كردوە كە هێرشەكە بۆتە هۆی كوژرانی كەسێكی هەڵگری رەگەزنامەی سوری و برینداربونی
حەوت كەسی دیكەی مەدەنی.
هەرچەندە
هاوپەیمانی عەرەبی نەیوتوە هێرشەكە لەڕێی چییەوە ئەنجامدراوە بەڵام پێشتر وتەبێژی
هێزە چەكدارەكانی حوسییەكان رایگەیاندبو كە لەڕێگەی فڕۆكەی بێفڕۆكەوانەوە هێرشیان
كردۆتەوە سەر ئەو فڕۆكەخانەیەو هەروەها فڕۆكەخانەی جازان-یش لەباشوری سعودیە.
ئەوەش
لەكاتێكدایە كە رۆژی چوارشهممه 12ی ئەم مانگە، حوسییهكانی یهمهن هێرشێكی موشهكییان
بۆ سهر فڕۆكهخانهی ئهبها ئهنجامدا كە تێیدا بەپێی قسەی دەسەڵاتدارانی سعودیه
26 كهسی مهدهنی برینداربون كه ههڵگری رهگهزنامهی جیاجیان.
حوسییهكان رایانگهیاندبو
كه هێرشهكهیان بۆ سهر ئهو فڕۆكهخانهیهی سعودیه به موشهكی
"كروز" ئهنجامداوهو جهختیشیان كردبوهوه كه "بهوردی ئامانجهكهیان
پێكاوه."