لەكۆی یانزە ئەندامی ئەنجومەنی سەندیكای پارێزەرانی كوردستان تەنها دو ئەندامیان سەربەخۆنو تەواوی ئەندامانی دیكەیان سەر بە یەكێتیو پارتین، لەرونكردنەوەیەكیشدا داوای بەستنی كۆنگرە دەكرێتو هەردو حزبی دەسەڵاتدار بەهۆكار دەزانرێت بۆ دواخستو ئەنجامنەدانی كۆنگرە.
ئاوێنە: دو ئەندامی ئەنجومەنی سەندیكای پارێزەرانی كوردستان بە ناوەكانی "عەبدولعەزیز عومەر ئەحمەد، ئاری جەزا مەحمود" رونكردنەوەیەك بڵاو دەكەنەوە كە تێیدا ئاماژەبەوە دەكەن ماوەی یاسایی بەستنی گۆنگرەی سەندیكاكەیان تەواو بوەو پێویست بو لەكاتو وادەی خۆی ببەسترایە، دواخستنیشی بە پێچەوانەی دیدو هەڵوێستو داواكاری ئەوان بوە.
راشیدەگەیەنن هیچ پاساوێك نابینن بۆ دواخستنی كۆنگرەی سەندیكای پارێزەرانی كوردستان، باس لەوەش دەكەن كە هەردو پارتی دەسەڵاتداری هەرێم فشار لەسەر سەندیكاكەیان دروست دەكەن، دەشڵێن "داوا لەپارتەكان دەكەین ستوەردان نەكەن لەكاری سەندیكاو جێی بهێڵن بۆ پارێزەران كە خۆیان چینێكی هۆشیاری كۆمەڵگەن".
داواش دەكەن سەرجەم خوشكو برا پارێزەرە هاوپیشەكانیان بە گیانێكی بەرپرسیارانە و بە شێوازی یاسایی دور لەناوزراندن هەوڵەكانیان بخەنەگەر.