2019-06-25   757     
جارێكی دیكه دۆناڵد ترەمپ ههرهشهی توند ئاراستهی كۆماری ئیسلامی ئێران دهكاتو دهڵێت، ئێران هێرشبکاتە سەر بەرژەوەندییەکانیان وەڵامێکی توندیان دەدەنەوە. پێشیوایه كه ئێران تەنها لەزمانی هێز تێدەگات.
ئاوێنه: دۆناڵد ترەمپ، سەرۆکی ویلایهتهیهكگرتووهكانی ئەمریکا لەنوێترین تویتدا نوسیویەتی، سەرکردهكانی ئێران هەرگیز لەوشەی خۆش تێناگهن، بەداخەوە ئەو شتەی لێی تێدەگەن زمانی هێزە.
ترەمپ هۆشداری دهداته تارانو دهڵێت، ئەمریکا بەجیاوازییەکی زۆر خاوەنی گەورەترین هێزی سەربازییە لەجیهاندا کە لەدو ساڵی رابردودا تریلیۆنێکو 500 ملیار دۆلاری تێدا خەرجکردووە.
راشیگهیاندووه، "ئێران هێرشبکاتە سەر بەرژەوەندییەکانمان وەڵامێکی توندیان دەدەینەوە، لەهەندێک باردا مەبەستمان خاپورکردنە".
سەرۆکی ئەمریکا ئهوهشی نوسیوه، خەڵکە باشەکەی ئێران بەبێ هۆکار ئازارو مەینەتی دەکێشن، سەرکردەکانیشیان پارەی وڵاتهكه بۆ تیرۆر خەرجدەکەن.