سوپای ئەمەریكا دەخرێتە حاڵەتی ئامادەباشییەوە بۆ جەنگی دژ بەئێران
  2019-06-25       2092       

ئا: ئاوێنە

 

رادیۆ ئیسرائیل هەواڵی ئەوەی بڵاوكردەوە كە كۆشكی سپی هەمو دامەزراوەكانی خستوەتە حاڵەتی ئامادەباشییەوە بۆ جەنگی دژ بەئێران.
رادیۆ ئیسرائیل لەزاری چەند سەرچاوەیەكەوە لەواشنتۆن ئاماژە بەوە دەكات كە كۆشكی سپی هەموو وەزارەت‌و دەزگاكانی دەوڵەتی ئاگادار كردوەتەوە كە حۆیان بۆ ئەگەری سەرهەڵدانی جەنگی هەمەلایەنە لەگەڵ ئێران ئامادە بكەن. 
ئەو سەرچاوانە وتویانە "ئەگەرچی چاودێران دەڵێن كە هێشتا ئەگەری سەرهەڵدانی جەنگ زۆر لاوازە، بەڵام بەنتاگۆن نایەوی غافلگیر ببێت.
ئەم سەلاچاوانە ئاماژەیان بەوە كردەوە كە مومكینە رژێمی ئێران لەكاردانەوە بەرامبەر راگەیاندنی زنجیرەیەك لەگەمارۆ‌و سزا نوێكانی ئەمەریكادا بۆ سەر كاربەدەستانی پلە یەكی ئێران، لەوانەش ئایەتوڵا خامەنەئی رابەری كۆماری ئیسلامی، كاردانەوەی توندوتیژی هەبێت‌و سوپای ئەمەریكا لەناوچەكەدا بكاتە ئامانج.
لەشەوی رابردوەوە ژمارەی هەڵفڕینی فڕۆكە جەنگییەكانی ئەمەریكا بەسەر كەنداودا زیادی كردوە. 
ئەمە لەكاتێكدایە كە رۆبەرت ۆد نوێنەری ئەمەریكا لەبواری چەك داماڵینی ئەتۆمی راگەیاندوە "ئەمەریكا نیازی شەڕكردن لەگەڵ ئێرانی نییە، بەڵام ئەگەر درێژە بەهێرشكردنە سەر ئێمە بدات‌و جارێکیتر فڕۆكەكانمان بخاتە خوارەوە ئەوا "وەڵامی توند"ی ئێمە دەبینێت.
رادیۆ ئیسرائیل لەزاری ئەو سەرچاوانەوە ئاماژە بەوە دەكات ئەگەر جەنگ روبدات لەقۆناغی یەكەمدا ئەمەریكا دەیان موشەكی كروز لەكەشتییە جەنگییەكانیەوە ئاڕاستەی سەنگەرو بنكە گرنگەكانی سوپای پاسدارانی ئێران دەكات، ئەگەر پێویستیش یكات لەقۆناغی دوەمدا ئۆپەراسیۆنی زەمینی دەگرێتەبەرو هێزێكی زیاتر رەوانەی ناوچەی كەنداو دەكات‌و سود لەهێزەكانیشی لەعێراق‌و ئەفغانستان‌و ئیمارات وەردەگرێ بۆ روبەڕوبونەوەی سوپای پاسداران.
لەبەرامبەریشدا پێشبینی ئەوە دەكرێ‌ ئێران هێرشی موشەكی بۆ سەر هێزەكانی ئەمەریكا لەكەنداو ئەنجام بدات‌و فەرمان بەحزبوڵای لوبنان‌و جیهادی ئیسلامی فەلەستین بدات كە هێرشی موشەكی بكەنە سەر ئیسرائیل‌و فەرمان بەحەشدی شەعبیش لەعێراق بكات كە خۆیان بۆ موشەك گرتنە بنكەكانی ئەمەریكا لەكەنارەكانی كەنداو ئامادە بكەن. هاوكات حوسییەكانیش بەموشەكەو فڕۆكەی بێ‌ فڕۆكەوان هێرش بكەنە سەر شاری ریازی پایتەختی سعودیە.
ترامپ لەتویتێکدا رایگەیاندوە كە هەر هێرشێکی نوێی ئێران بۆ سەر هێزەکانمان روبەروی کاردانەوەی توندو قورسی ئێمە دەبێتەوەو رودانی جەنگ ئاقیبەتی وێرانكارییی گەورەی بۆ رژێمی ئێران دەبێت.


زۆرترین بینراو
© 2018 Awene Online, Inc. All Rights Reserved.
×