گەرمیان: دانیشتوانی گوندێك رێگری لەلێدانی بیرێكی نەوت دەكەن
  2019-07-06       586       

ئاوێنە :ئاراز محەمەد


‎سەرجەم ڕێكارەكانی گازپرۆمی ڕوسی بۆ لێدانی بیری سەرقەڵا چوار ئامادەن بەڵام دانیشتوانی گوندێك ڕێگری لێدەكەن.



‎بەپێیی زانیاریەكانی ئاوێنە لەسەرچاوەیەكی ئاگادار بیری سەرقەڵا چوار لەمانگی (٥) دا ئامادەبوە بۆ (كۆنسترێكشن )بنیادنان ،بەڵام كاتێك كۆمپانیایی دیاری كراو ڕۆشتوە بۆ  سەیركردنی ناوچەكەو  ئامادە سازی كردن بۆ لێدانی بیرەكە دانیشتوانی ناوچەكە  ڕێگریان لێكردونن.

‎سەرچاوەكە وتیشی ” دوایی ئەوەش  كێشەكە ڕۆشتوەتە ئیدارەی گەرمیان بەڵام تائێستا ئەوانیش نەیان توانیوە كێشەكە چارەسەر بكەن".

‎بیری سەرقەڵا چوار دەكەوێتە نێوان هەردوو گوندی ( كارێزەو كەوا چەرموو)ی سەربە ناحیەی سەرقەڵا و لەسەر ڕوبەری (٥٨دۆنم) كە (٤٠) دۆنمی سنوری گوندی كارێزەیەو  (١٨) دۆنمی تریشی سنوری گوندی كەوا چەرموە . 

‎لەوبارەیەوە ڕامیار عەبدولڕەحمان بەڕێوبەری ناحیەی سەرقەڵا بۆ ئاوێنە وتی ” ئێمە هەوڵمانداوە ئەو كێشەیە چارەسەر بكەین".
‎وتیشی” من قایمقامی كفری و ئیدارەی گەرمیان و وەزارەتی سامانە سروشتیەكانیشم ئاگادار كردوەو هەوڵمداوە كێشەی ئەو بیرە چارەسەربكەم بەڵام تائیستا نەكراوە".

‎ڕامیار وتیشی” كێشەی سەرەكی ئەو گوندە (كارێزە) ئەوەیە كەداوادەكەن ڕێگەی چون بۆ بیرەكەیان بۆ بگۆڕن و دەڵێن شوێنەكەی دەكەوێتە ناو زەویەكانیان و ماڵیشی بەردەكەوێت".

‎سەبارەت بەگەشتنی ئەو كێشەیە بە(قوباد تاڵەبانی ) جێگری سەرۆكی حكومەت ڕامیار وتی” تائێستا ئاگادری وەڵامی ناوبراو نیم".

‎ئاوێنە ئەوەشی زانیوە بەشێك لەكێشەكانی تری ئەو گوندانە  مەسەلەی پشك و دامەزراندنە  لەنێوان ئەو دوگوندەدا.

‎بەپێیی زانیاریەكانی ئاوێنە لەئێستادا كێشەكە گەشتوەتە  لایی قوباد تاڵەبانی  و گازپرۆمی ڕوسی چاوەڕێیی هەوڵەكانی قوباد تاڵەبانیە  و ئەگەر هەوڵەكانی ئەویش بۆ ڕازی كردنی گوندەكە سەری نەگرت ئەوە بیرەكە واز لێدێنێت و. دەیگوێزێتەوە بۆ شوینێكی تر كە ئەوەش دوبارە پێویستی بە گەڕان و مەسح و  ڕەزامەندی هەیەو لەكەمترین كاتدا پێویستی بە (شەش) مانگ كات دەبێت . 

‎گازپرۆمی ڕوسی لەئێستادا خاوەنی بلۆكی گەرمیانە لەسنوری ناحیەی سەرقەڵایی سەربەقەزایی كفری و لەسێ بیری نەوتی كە (سەرقەڵا ،یەك و دوو سێ)ە، ڕۆژانە نزیكەی (٣٥) هەزار بەرمیل نەوت دەردێنێت .

‎لەماوەی ڕابردودا چەندین جار كێشە ڕویداوەو لەنێوان كۆمپانیاكانی نەوت  دانیشتوانی ناوچەكەدا كە تێدا تەقە لەكۆمپانیاكان كراوەو لێیان. برینداركراوەو چەندجارێكیش بەخۆپیشاندان چونەتە ناو كەمپەكانی نەوت ڕێگریان لەهەناردەی نەوت كردوە لەو سنورەوە .

زۆرترین بینراو
سۆران عومه‌ر: به‌دواداچوونێكى ورد ده‌ریخست ئامانج بابانى بكوژى هاوسه‌ر و منداڵه‌كه‌ى و خۆیه‌تى
په‌لەمانتارێکى پارتى: دوای ڕۆژئاوای کوردستان ئاڕاستەی دژایەتی تورکیا بەرەو ڕوی هەرێمی کوردستانە
به‌ڕێوه‌به‌ری پێشووی CIA: له‌ ئه‌نجامدا به‌ریتانیا و فه‌ڕه‌نساش کورده‌کان به‌جێده‌هێڵن
سیناتۆرێکی ئەمریکی: بۆ تەمبێ کردنی تورکیا پێویستە هەم گێزەر و هەم تێڵا بەکار بهێندرێت
سەركردەیەكی پارتی: تورکیا ناتوانێ ئەو بەرنامە چەپەڵەی بۆ رۆژاڤا دایناوە جێبەجێ بکات
وەفدێكی سەربازیی روسیا گەیشتە قامیشلۆ
داوا ده‌کرێت 40 هەزار سەربازی وڵاتانی ئەندام لە یەکێتی ئەوروپا رەوانەی رۆژئاوای کوردستان بکرێت
لەمڕۆوە بە بەردەوامی كامێرای چاودێری لەڕێگایەك دادەنرێت
شاسوار عەبدولواحید: ئەم دۆخە دەبێتە بازدانێکی گەورە بۆ بەرەوپێشبردنی دۆزی کورد
ئەسەسەرد: گەر تورکیا ئامانجەکانى لەباکورى سوریا پێکا، ئەوا بیر لە فراوانکردنى سیناریۆکە دەکاتەوە
© 2018 Awene Online, Inc. All Rights Reserved.
×