2019-07-09 1784
رێباز حەملان
رێباز حەملان جه‌خت له‌وه ده‌كاته‌وه كه كابینەی هەشتەم سەركەوتوبو بەسەر ئەو ئاستەنگە گەورانەی كەوتە پێشی. به‌پێویستیشی ده‌زانێت، وه‌زاره‌تی دارایی لەكابینەی داهاتو بەهەمان میكانیزم بەردەوام بن.
ئاوێنه: به‌پێی راگه‌یه‌ندراوێكی وه‌زاره‌تی دارایی، رێباز حەملان، وەزیری دارایی‌و ئابوری حكومەتی هەرێم له‌دوایین كۆبونه‌وه‌ی ئەنجومەنی وەزارەته‌كه‌یدا رایگه‌یاندووه، "كابینەی هەشتەم سەركەوتوبو بەسەر ئەو ئاستەنگە گەورانەی كەوتە پێشی، بەتایبەت وەزارەتی دارایی‌و ئابوری هاوتەریب لەگەڵ هەنگاونان بۆ چارەسەرەكردنیان، هەنگاوی گەورەی ناوە لەچاكسازییكردن لەوەزارەتەكەو زیادكردنی داهات، ئەمەش بەئەلیكترۆنیكردنی دەروازەو گومرگ‌و باج‌و بانك دەستیپێكردوەو بەردەوامیشە."
رێباز حەملان به‌پێویستی ده‌زانێت كه وه‌زاره‌تی دارایی لەكابینەی داهاتو بەهەمان میكانیزم بەردەوام بن له‌سه‌ر هەنگاوەكانی چاكسازیی لەوەزارەت بەمەبەستی زیادكردنی داهات لەگومرگ‌و باج.
وه‌زیری دارایی سوپاسی ئەندامانی ئەنجومەنی وەزارەتی كردووه كە "لەماوەی رابردو شانیان داوەتە بەر بەرپرسیارەتی‌و داواشی لێكردن وەك چۆن لەماوەی رابردو حزبایەتی‌و ناوچە گەرێتیمان لەوەزارەت نەهێشت‌و هیوادارم لەداهاتوش بەردەوامبن، ئەمەش لەپێناو خزمەتكردنی موچەخۆران‌و هاوڵاتیان، چونكە وەزارەتی دارایی‌و ئابوری پەیوەندی راستەوخۆی بەژیانی خەڵكەوە هەیە."