لە ئێستادا 250 هەزار هاوڵاتیی کورد لە بەریتانیا دەژین
  2019-07-11       310       


هەڵسوڕاوێکی سیاسیی سەربە پارتی کرێکارانی بەریتانیا ڕایگەیاند ''لە ئێستادا ژمارەی 250 هەزار هاوڵاتیی کورد لە بەریتانیا دەژین و حیزبی کرێکارانیش هاوشێوەی حیزبی موحافەزەکار دەبێت نوێنەری کورد بنێرێتە پەرلەمان''.

ئاوێنه‌: مستەفا تۆپکایا هەڵسوڕاوی سیاسیی کوردی سەربە پارتی کرێکارانی بەریتانیا لە یادداشتێکدا کە گۆڤاری سیاسی و کۆمەڵایەتیی نیۆستیتمان بڵاوی کردۆتەوە ''داوای لە حیزبەکەی کردووە هاوشێوەی حیزبی موحافەزەکاری بەریتانیا نوێنەری کورد بنێرێتە پەرلەمان''.

ناوبراو لە یادداشتەکەیدا ئەوەشی نووسیوە کە ئێستا 250 هەزار هاوڵاتیی کورد لە بەریتانیا دەژین کە زۆرینەیان خەڵکی کوردستانی تورکیان. کوردەکان لە لایەن پارتی کرێکارانی بەریتانیاوە نادیدە گیراون و ئەو حیزبە هیچ نوێنەرێکی لە نێوان کوردەکاندا نەناردووەتە پەرلەمان، بۆیە پێویستە پارتی کرێکارانی بەریتانیا کۆتایی بەو ناعەدالەتییە بەرانبەر بە کورد بهێنێت چونکە کورد خزمەتی زۆری کۆمەڵگای بەریتانیای کردووە.

ئەو چالاکە سیاسییە ئاماژەی بەوەش کردووە کە پارتی موحافەزەکاری بەریتانیا لە نێوان کوردەکاندا نوێنەری ناردووەدتە پەرلەمان بۆیە داوای لە حیزبەکەی خۆی کردووە کە ڕێز لە کوردەکانی دانیشتووی بەریتانیا بگرێت چوونکە ئەوان خزمەتی زۆری حیزبەکەیان کردووە بۆیەش پێویستە ئەو حیزبە نوێنەرێکی کورد بنێرێتە پەرلەمانی بەریتانیا.
زۆرترین بینراو
© 2018 Awene Online, Inc. All Rights Reserved.
×