ئێوارەی ئەمڕۆ پێنجشەممە دەنگی تەقینەوەیەك لە شاری قامشلۆی رۆژئاوای
كوردستان بیستراوە.
ئاوێنە: ئاژانسی هاوار نیوز، نزیك لە یەكینەكانی پاراستنی گەل(یەپەگە)،
بڵاویكردۆتەوە بەپێی زانیارییە سەرەتاییەكان تەقینەوەكە سەعات 5:45 خولەك لەڕێگەی ئۆتۆمبێلێكی بۆمبڕێژكراوەوە لەبەردەم كەنیسەی "عەزرا" لە گەڕەكی
"وستا"، كە زۆرینەی دانیشتوانەكەی مەسیحین، لە شاری قامشلۆ رویداوە.
دەستبەجێ
ئەمبولانس گەیشتۆتە شوێنەكەو هێزە ئەمنییەكانیش شوێنی تەقینەوەكەیان تەوق داوە.
بەپێی زانیارییە سەرەتاییەكان، تەقینەوەكە بۆتە هۆی برینداربونی حەوت كەس و بریندارەكانیش بۆ نەخۆشخانەی "رەحمە"ی شارەكە گوازراونەتەوە.
هەروەها زیانی ماددی گەورەش بەر ناوچەكە كەوتوە.