"توڕەیی زەیتون" بەرپرسیارێتی تەقینەوەكەی عەفرین لەئەستۆ دەگرێت
  2019-07-12       278       

گروپی "توڕەیی زەیتون"، رایگەیاند، دوێنێ پێنجشەممە، هێزەكانیان لە رێگەی تەقاندنەوەی ئۆتۆمبێلێكی بۆمبڕێژكراوەوە لەعەفرین كە میلیشیاكانی سەربە توركیای كردۆتەوە ئامانج، 16 چەكداری میلیشیاكان كوژراون و 19ی دیكەش بریندار بون.

ئاوێنە: "توڕەیی زەیتون"، لەبەیاننامەیەكدا رایگەیاندوە"لەوەڵامی ئەو پێشێلكاری و تاوانانەی كە میلیشیاكان و سوپای توركیا دژبە خەڵك و خاكی ئێمە ئەنجامی دەدەن، رۆژی 11/07/2019، شەڕڤانەكانمان، ئۆتۆمبێلێكی بۆمبڕێژكراویان لەناوچەی (ترندە) لە شاری عەفرین بە راگرێكی پۆلیسی سەربازی و بەرەی شام لەپاڵ بنكەیەكی مەشقپێكردندا تەقاندوە."

ئاشكراشیكردوە"چالاكییەكە كوژرانی 16 چەكداری میلیشیاكان و زیاتر لە 19ی دیكەی لێكەوتەوە."

لەبەیاننامەكەدا هاتوە"جارێكی دیكە هاوڵاتیانی مەدەنی ناوچە داگیركراوەكان ئاگاداردەكەینەوە كە دوربكەونەوە لە هەمو شوێنێكی سەربازی میلیشیاكان و سوپای توركیای داگیركەر، چونكە ئەوان ئامانجی شەڕڤانانی ئێمەن لە سەرجەم ناوچە داگیركراوەكان."

لەكۆتاییشدا جەختی كردۆتەوە كە چالاكییەكانیان زیاتر دەكەن و هەمو ئەوانەی كە دەستیان بە خوێنی خەڵكی بێ تاوانی عەفرین سورە دەكەنە ئامانج و وتوشیەتی"وەك ئەوەی لەسەرەتاوە بەڵێنمان بە گەلەكەمان داوە، ئێمە بۆ یەك ساتیش دودڵ نابین لە تۆڵەكردنەوە لە داگیركەرو جاشەكانی بەهەر رێگەو شێوازێك كە بلوێ."

زۆرترین بینراو
© 2018 Awene Online, Inc. All Rights Reserved.
×