قاسم سولەیمانی، فەرماندەی فەیلەقی قودسی سەربە سوپای پاسدارانی ئێران،
ئەمریكا تۆمەتبار دەكات بەوەی لەهەر شوێنێك بونی هەبێت، ئەو ناوچەیە نائارام و
ناسەقامگیردەكات.
ئاوێنە: بەپێی میدیا ئێرانییەكان، قاسم سولەیمانی لە تویتێكدا
رایگەیاندوە"ناسەقامگیریی ئەمنی بەشێكی جەوهەریی حكومەتی ئەمریكایە."
وتوشیەتی"ناتوانن یەك شوێن بدۆزنەوە ئەمریكا چوبێتە ناوی و لەڕێگەی
بون و هێزی خۆیەوە ئاسایشی تێدا بەرقەرار كردبێت."
ئەو وتانەی قاسم سولەیمانی لەكاتێكدا كە بەرپرسانی ئەمریكا هەڕەشەی
توندتركردنی سزاكانی سەر ئەو وڵاتە دەكەن و لەلایەكی دیكەوە بەریتانیاش ئێران
تۆمەتبار دەكات بەوەی كە لەڕێگەی بەلەمەكانییەوە هەوڵیداوە دەست بەسەر كەشتییەكی
نەوتبەریی وڵاتەكەیدا بگرێت بەڵام ئەو هەوڵەی ئێرانیان شكست پێهێناوە.