كەشناسی هەرێم باری كەشوهەوای ئەمڕۆ(هەینی) و سبەی(شەممە)ی شارەكانی
باشوری كوردستانی راگەیاندو دەشڵێت، ئاسمان ساماڵ دەبێت و پلەكانی گەرماش رو لە نزمبونەوە
دەكەن.
ئاوێنە: بەڕێوەبەرایەتی گشتی كەشناسی و بومەلەرزەزانی هەرێمی كوردستان لەڕاگەیەندراوێكدا
بڵاویكردەوە كە ئەمڕۆ ئاسمانی شارەكانی باشوری كوردستان ساماڵ دەبێت لەگەڵ ئەگەری بونی خۆڵێكی سوك لە هەولێر،
دهۆك و كەركوك.
هێمای بۆ ئەوەش كردوە كە بەرزترین پلەی گەرمی پێشبینیكراوی ئەمڕۆ لەهەولێر 41،
لەسلێمانی 40، لەدهۆك 39 و لەكەركوك 43 پلەی سەدی دەبێت.
سەبارەت بە كەشوهەوای سبەینێش، كەشناسی پێشبینی كردوە كە ئاسمانی شارەكانی
باشوری كوردستان ساماڵ بێت لەگەڵ ئەگەری بونی خۆڵێكی سوك لە دهۆك و كەركوك.
بەپێی پێشبینی كەشناسی، سبەی پلەی گەرمی لەهەولێر 39، لەسلێمانی 38، لەدهۆك
37 و لەكەركوك 41 پلەی سەدی دەبێت.
