2019-07-13   971     
ئهنجومهنی باڵای فهتوای ههرێم وەرگرتنی پارەی زیادەی حەواڵەكردن بە حەرام دەزانێت و رایدهگهیهنێت ''پێویستە نوسینگهكانی حهواڵهكردن، مامهڵه لهگهڵ ئهو بانك و كۆمپانیایانه رابگرن کە پارەی زیادە وەردەگرن''.
ئاوێنه: لە نوسراوێكدا كە وێنەیەكی بۆ ئاوێنه نێردراوه، ئهنجومهنی باڵای فهتوای ههرێم رایگهیاند"هاوڵاتیان خۆیان بپارێزن له وهرگرتنی ئهو بڕه پارهیهی كه لهكاتی حهواڵهكردن وهریدهگرن، گهر وهریشیان گرت پێویسته له رێگهی خێر و چاكهی گشتیدا خهرجی بكهن".
ئەنجومەنی باڵای فەتوای هەرێم داواشیكرد،هاوڵاتیان مامهڵه لهگهڵ ئهو جۆره نوسینگانه نهكهن كه ئهو بڕه پاره زیادانه دهدهنهوه.
هاوكات داوا له نوسینگهكانی حهواڵهكردن كراوە خۆیان و پارهكانیان به دوربگرن له مامهڵهكردن لهگهڵ ئهو بانك و كۆمپانیایانهی كه بەو جۆرە مامەڵە دەكەن و پارەی زیادە وەردەگرن.
هەر لەو نوسراوەكهدا هاتووه "داوای له وهزارهتی دارایی عێراق و بانكی ناوهندی كردوە ئهم جۆره مامهڵانه رابگرن و رێكاری شهرعی بۆ بدۆزنهوه"، ئەوەشی بە"جۆرێك لەهەدەردانی سامانی گشتی و هۆكارێك بۆ سپیكردنهوهی پارهو سهروهرت و سامانی گشتی" لەقەڵەمداوە.