پۆلیسی هەولێر فەرهاد پیرباڵی دەستگیرکرد
  2019-07-14       1220       
پۆلیسی هەولێر فەرهاد پیرباڵی  دەستگیرکرد و ئاماژه‌ به‌وه‌ ده‌كات كه‌ به‌هۆی سكاڵای به‌ڕێوه‌به‌ری كتێبخانه‌ی وه‌فایی بوه‌.

ئاوێنه‌: هۆگر عەزیز، وتەبێژی پۆلیسی هەولێر رایگەیاندوو، بە بڕیاری بەرێوه‌بەری پۆلیسی هەولێر فەرهاد پیرباڵ دەستگیرکراوە و لە سەر سکاڵای بەرێوه‌بەری کتێبخانەی وەفایی بووە.

ئەمەش لە دوای ئەوە دێت، بەرەبەیانی‌ ئەمڕۆ یه‌كشه‌ممه‌ 14ی ته‌مموزی 2019، کتێبخانەی‌ ماڵی‌ وەفایی لەهەولێر سوتێنرا و فەرهاد پیرباڵیش گرتەیەکی‌ ڤیدیۆیی سوتانی‌ کتێبخانەکەی‌ بڵاوکردووەتەوە و بەپێی وتەکانی، ئەو ئاگری‌ لە کتێبخانەکە بەرداوە.

لەلایەکی‌ دیکەوە سۆران عەزیز، بەڕێوەبەری‌ کتێبخانەی‌ ماڵی‌ وەفایی لە هەولێر لە پەیجی‌ خۆی‌ لە فەیسبووک ڤیدیۆی‌ سوتانی‌ کتێبخانەکەی‌ بڵاوکردووەتەوە و رایگەیاندووە، تا بەیانی‌ ئەمڕۆ ئاگرەکە نەکوژاوەتەوە و پێشتر ئاسایش و پۆلیس و پارێزگار و لایەنەکانی‌ دیکەی‌ لە هەڕەشەکانی‌ فەرهاد پیرباڵ، ئاگادارکردووەتەوە بۆ ئەوەی‌ کتێبخانەکە بپارێزن، بەڵام پێیان راگەیاندووە، کە فەرهاد پیرباڵ ئەو کارە ناکات.

ئاماژەی‌ بەوەشکردووە، بەهۆی‌ ئاگرەکەوە زەرەر و زیانێکی‌ زۆر بە کتێبخانەکە گەیشتووە بە وتەی‌ خۆی‌ هیچ شتێکی‌ بە ساغی‌ تێدا نەماوە کە لە ساڵی‌ 2010ەوە بنیاتیانناوە.
زۆرترین بینراو
© 2018 Awene Online, Inc. All Rights Reserved.
×