دادگایەكی ئیتاڵیا سزای 12 ساڵ زیندانی بۆ مەلا كرێكار دەركرد
  2019-07-16       1415       

دادگایەكی ئیتالیا، پاشنیوەڕۆی ئەمڕۆ دوشەممە، سزای زیندانیكردنی 12 ساڵی بۆ مەلا كرێكار، ئەمیری پێشوی ئەنسارولئیسلام دەركرد لەگەڵ سزای حەوت ساڵ و شەش مانگ تا نۆ ساڵ بۆ پێنج كەسی دیكە، ئەوەش بە تۆمەتی هەوڵدانی ئەو گروپە بۆ ئەنجامدانی "هێرشی تیرۆریستی" لە ئەوروپا.

ئاوێنە: دادگای بۆلزانۆ-ی ئیتالیا ئەمڕۆ دوشەممە دادگاییكردنی مەلا كرێكار و پێنج كەسی دیكەی بەبێ ئامادەبونی خۆیان بەڕێوەبردو سزای زیندانی بۆ هەر شەشیان دەركرد.

بەپێی ماڵپەڕی "رەئی نیوز"ی ئیتاڵی مەلا كرێكارو ئەو پێنج كەسەی دیكە كە "ئەندامی گروپێكی جیهادی"ن بە تۆمەتی پلاندانان بۆ ئەنجامدانی هێرشی "تیرۆریستی" سزادراون.

ماڵپەڕە ئیتاڵییەكە هێمای بۆ ئەوە كردوە، مەلا كرێكار، 62 ساڵ كە لەدایكبونی كوردستانی عێراقەو ئێستا لە نەرویج بەجۆرێك لەئازدی دەژی، ئامادەیی دادگاییكردنەكە نەبوە كە تێیدا بە 12 ساڵ زیندانی سزادراوە.

ئەوەش لەكاتێكدایە كە داواكاری گشتی، باسكوال پرۆفیتی داوای 10 ساڵ زیندانی بۆ مەلا كرێكار كردبو.

هەروەها دادگا ئیتالییەكە سزای نۆ ساڵ زیندانی بۆ هەریەكە لە ماكوان كەریم رەحیم و وەهاب حەمەساڵح و هەروەها سزای حەوت ساڵ و شەش مانگ زیندانی بۆ هەریەكە لە زانا رەحیم عەبدولڕەحمان و كامیل فەتاح جەلال و رێبوار حەمەد دەركردوە.

لەلایەكی دیكەوە پارێزەرە نەرویجییەكەی مەلا كرێكار كە ئامادەی دادگاییەكە نەبوە بە رۆژنامەی "ڤەردێنس گانگ"ی نەرویجی راگەیاندوە تانە لە بڕیارەكە دەدەن بەڵام هێشتا بڕیارەكەیان بەدەست نەگەیشتوە.

هێمای بۆ ئەوەش كردوە كە دەرفەتی ئەوە نەدراوە بە كرێكار كە بەڵگەكانی بخاتەڕو و رونكردنەوە بداتە دادگا یاخود قسە لەگەڵ پارێزەرەكەی بكات.

لەلایەكی دیكەوە ماڵپەڕی "دوربین"ی سەربە مەلا كرێكار رایگەیاندوە كە حكومەتی ئیتالیا ئافرەتێكی كردوە بە پارێزەری مەلا كرێكارو دو تۆمەتباری دیكەیان، بەبێ ئەوەی هیچ یەك لە تۆمەتبارەكانی دی بێت و قسەی لەگەڵ كردبن.


زۆرترین بینراو
سۆران عومه‌ر: به‌دواداچوونێكى ورد ده‌ریخست ئامانج بابانى بكوژى هاوسه‌ر و منداڵه‌كه‌ى و خۆیه‌تى
په‌لەمانتارێکى پارتى: دوای ڕۆژئاوای کوردستان ئاڕاستەی دژایەتی تورکیا بەرەو ڕوی هەرێمی کوردستانە
به‌ڕێوه‌به‌ری پێشووی CIA: له‌ ئه‌نجامدا به‌ریتانیا و فه‌ڕه‌نساش کورده‌کان به‌جێده‌هێڵن
سیناتۆرێکی ئەمریکی: بۆ تەمبێ کردنی تورکیا پێویستە هەم گێزەر و هەم تێڵا بەکار بهێندرێت
سەركردەیەكی پارتی: تورکیا ناتوانێ ئەو بەرنامە چەپەڵەی بۆ رۆژاڤا دایناوە جێبەجێ بکات
وەفدێكی سەربازیی روسیا گەیشتە قامیشلۆ
داوا ده‌کرێت 40 هەزار سەربازی وڵاتانی ئەندام لە یەکێتی ئەوروپا رەوانەی رۆژئاوای کوردستان بکرێت
لەمڕۆوە بە بەردەوامی كامێرای چاودێری لەڕێگایەك دادەنرێت
شاسوار عەبدولواحید: ئەم دۆخە دەبێتە بازدانێکی گەورە بۆ بەرەوپێشبردنی دۆزی کورد
ئەسەسەرد: گەر تورکیا ئامانجەکانى لەباکورى سوریا پێکا، ئەوا بیر لە فراوانکردنى سیناریۆکە دەکاتەوە
© 2018 Awene Online, Inc. All Rights Reserved.
×