ئەمڕۆ شەممە،
ئێڕان رایگەیاند، ئەو كەشتییەی نەوتڵهەگرەی بەریتانیا كە دوێنێ لە گەروی هورمز
دەستیان بەسەردا گرتوە، گوزراوەتەوە بۆ بەندەری "بەندەر عەباس" و
كەشییەكەو كارمەندەكانی لەوێ دەهێڵرێنەوە تا كۆتاییهاتی لێكۆڵینەوە لەبارەی
رەفتارەكانی ئەو كەشتییە.
ئاوێنە: ئاژانسی هەواڵی فارس، لەزاری ئەڵا
موراد عەفیفی پور، بەڕێوەبەری گشتی بەندەرو دەریاوانی پارێزگای هورمزگان-ەوە
بڵاویكردۆتەوە كە ئەو كەشتییە نەوتهەڵگرە بەریتانییە كە ناوی "ستێنا ئیمبێرۆ"یە
خۆی كێشاوە بە بەلەمێكی راوی ئێرانیدا و هاواری بەدەمەوەچونی ئەو بەلەمەی
پشتگوێخستوە.
ئەو بەرپرسە ئێرانییە هێمای بۆ ئەوە كردوە
كە كەشتییە بەریتانییەكەیان بردۆتە "بەندەر عەباس" كە دەكەوێت سەر
كەناراوای باشوری ئێران لەسەر گەروی هورمز و وتوشیەتی"سەرجەم كارمەندانی
كەشتییەكە كە ژمارەیان 23 كەسە لەسەر كەشتییەكە دەهێڵرێنەوە تا كۆتاییهاتنی
لێكۆڵینەوەكان."
ئاشكراشیكردوە
كە كارمەندانی كەشتییەكە 18یان هندی و پێنجیان خەڵكی وڵاتانی دیكەن.