2019-07-20 846
حکومەتی هەرێمی کوردستان ڕاگەیاندراوێکی لەبارەی دەستگیرکردنی مەزلوم داغ سەرپەرشتیار و بکوژی سەرەکی کردەوەی تەقەکردن لە رێستورانتێکی شاری هەولێر بڵاوكرده‌وه.
ئاوێنه: وتەبێژی حکوومەتی هەرێمی کوردستان لە ڕاگەیاندراوەکەیدا دڵنیایی دەداتە هاووڵاتییانی هەرێمی کوردستان کە ھەوڵەکان بۆ دەستگیرکردنی ھەموو تاوانبارانی پەیوەندیدار بەم رووداوە بەردەوامە.
ده‌قی راگه‌یه‌ندراوه‌كه‌ی گوته‌بێژی حكوومه‌تی هه‌رێمی كوردستان:
"دوای هەڵمەتێکی فراوانی هێزەکانی ئاسایشی هەرێمی کوردستان، ( مەزلوم داغ )ی سەرپەرشتیار و بکوژی سەرەکی کردەوەی تەقەکردن لە رێستورانتێکی شاری هەولێر، لەلایەن هێزی دژە تیرۆری کوردستانەوە دەستگیر کرا.
ئێمە لە کاتێکدا سوپاسی هێزەکانی ئاسایش و دژە تیرۆری کوردستان دەکەین کە بە خێرایی توانیان تاوانبارەکە دەستگیر بکەن. سوپاسی هاووڵاتیانی هەرێمی کوردستانیش دەکەین بۆ هاوکاری و پەرۆشیان. دڵنیاشتان دەکەینەوە کە ھەوڵەکان بۆ دەستگیرکردنی ھەموو تاوانبارانی پەیوەندیدار بەم رووداوە بەردەوامە.
وتەبێژی حکوومەتی هەرێمی کوردستان
شەممە 20/7/219"