ئاگرین عەبدوڵا،
بریكاری وەزارەتی ئاودانكردنەوەی حكومەتی هەرێمی كوردستان بۆ كاروباری ئاوەدانكردنەوە
و نیشتەجێبون رایگەیاند، پڕۆژەی خزمەتگوزاری بۆ 700 یەكەی نیشتەجێون دابین كراوە،
دوای تەواوبونی خزمەتگوزارییەكان، یەكەكەكان بەسەر هاوڵاتیاندا دابەش دەكرێن.
ئاوێنە: ئاگرین عەبدوڵڵا، بە ماڵپەڕی رەسمی
پارتی راگەیاند"لە سنوری بنەسڵاوە 396 یەكەی نیشتەجێون، لە سۆران 144 یەكە، لە
هەڵەبجە 72 یەكە و لە قەلادزێ 84 یەكەی نیشتەجێون تەواو بون، كە لە لایەن وەزارەتی
ئاودانكردنەوەوە دروست كراون".
عەبدوڵڵا ئاماژەی
بەوەش دا، ئێستا وەزارەتی ئاودانكردنەوە كار لەو پڕۆژانە دەكات بۆ گەیاندنی تۆڕی
كارەبا، ئاو، شەقام و ئاوەڕۆ، كە ئەمەش لە ماوەیەكی نزیكدا تەواو دەبێت و دوای تەواوبونیشی
بەسەر هاوڵاتیاندا دابەش دەكرێن.
بریكاری وەزارەتی
ئاوەدانكردنەوە رونیشی كردەوە، یەكەكان بە گوێرەی یاسای ژمارە 16ی ساڵی 2011 دابەشی
سەر فەرمانبەران و خەڵكی كەمدەرامەت دەكرێن، ئەو كاتیش ئەنجومەنی وەزیران بڕیار دەدات
كە بەسەر كام چین و توێژدا دابەشیان بكات.
بریكاری وەزارەتی ئاوەدانكردنەوە
وتوشیەتی"دابەشكردنی یەكەكان بەقیستی 25 ساڵ و بەبێ زیادە خستنەسەر و وەرگرتنی پارەی زەوییەکە دەبێت."