فراكسیۆنی یەكێتی نیشتمانی كوردستان لەئەنجومەنی نوێنەرانی عێراق رەتیدەكاتەوە حزبەكەی لەگەڵ پارتی دیموكراتی كوردستان لەسەر كاندیدێكی بێلایەن بۆ پۆستی وەزارەتی دادی عێراق رێككەوتبن.
ئاوێنە: فراكسیۆنی یەكێتی نیشتمانی كوردستان لەئەنجومەنی نوێنەرانی عێراق لەڕونكردنەوەیەكدا كە وێنەیەكی دەست ئاوێنە كەوتوە رایگەیاند؛ لە چەند لایەك ئاژانسێكی هەواڵ بڵاوبۆتەوە كە یەكێتی نیشتمانی كوردستان و پارتی دیموكراتی كوردستان لەسەر كاندیدێكی بێلایەن رێككەوتون بۆ پۆستی وەزارەتی داد لە حكومەتەكەی عادل عەبدولمەهدی.
فراكسیۆنی یەكێتی وتویەتی"بە هەمو لایەكی رادەگەیەنین كە ئەم هەواڵە سەرلەبەری ناڕاستەو سەرچاوەكەی چەواشەكارەو لەلایەن یەكێتی نیشتمانی كوردستانەوە هیچ رێككەوتنێكی لەو جۆرە نەبوەو نییە."
جەختیشی كردۆتەوە كە "یەكێتی ئەو پۆستە بە مافی تەواوی خۆی دەزانێت و سورە لەسەر داكۆكیكردن لەم مافە."