2019-07-28 918
وەزارەتی بەرگریی عێراق رایگەیاند ''گەورەترین بنکەی تایبەت بە ھێزی دەریایی لە پارێزگای بەسرە بنیات دەنێت''.
ئاوێنه: بە گوێرەی راگەیاندراوێکی وەزارەتی بەرگریی عێراق کە تیایدا ئاماژەی بەوەداوە کە نەجاح شممەری، وەزیری بەرگریی بە یاوەری عەبدوڵڵا لعێبی، وەزیری گواستنەوە و محەمەد رەزا، سەرۆکی لیژنەی ئاسایش و بەرگریی لە ئەنجوومەنی نوێنەران و فەریق روکن عەبدولئەمیر رەشید یارەڵڵا، یاریدەدەری سەرۆک ئەرکانی سوپا لەگەڵ ژمارەیەک لە گەورە ئەفسەرانی وەزارەتی بەرگریی سەردانی پارێزگای بەسرە کردووە.
هاوکات بەپێی راگەیەندراوە ''لە میانی سەردانەکەدا شاندەکە لەگەڵ فەرماندەی ئۆپەراسیۆنەکانی بەسرە، فەریق روکن قاسم نزال و فەرماندەی ھێزی دەریاوانیی، فەریق رومن ئەحمەد جاسم مەعارج کۆبووەتەوە''.
جێگای ئامەژەیە لە راگەیەندراوەکەدا ئەوە خراوەتەڕوو کە لە کۆبوونەوەکەدا، نەجاح شممەری، وەزیری بەرگریی عێراق وتی، ''گرنگی زیاتر بە دامەزراوە سەربازییەکانی سوپا دەدەین و بۆ ئەو مەبەستەش گەورەترین بنکە تایبەت بە ھێزی دەریایی لە بەسرە بنیات دەنرێت''.
شایەنی باسە وەزیری بەرگریی عێراق، ھیچ وردەکاری و زانیارییەکی سەبارەت بە بیناتنانی بنکەکە نەخستەڕوو.