2019-07-29   766     
سەلیم شوشكەیی رایگهیاند '' بۆ ئەوەی یاسای بودجەی ساڵی ٢٠٢٠ تێپهڕینرێت دەبێت پێشتر هەردوو حكومەتی هەرێمی كوردستان و عێراق ڕێكەوتنی تەواوەتییان كردبێت، كە لەدانوستانەكانی ئەم جارە هەردوولا گەیشتوونەتە ئەنجامێكی باش'' .
ئاوێنه: سەلیم شوشكەیی، ئەندامی لیژنەی دارایی پەرلەمانی عێراق لەو بارەوە دەڵێت ''دانوستانەكانی نێوان بەغدا و هەرێم بەچڕی بەڕێوەدەچن، ئەویش لەڕێگای ئەو لیژنە هاوبەشانەی بۆ بەدواداچوونی دۆسیەی نەوت و شایستە داراییەكانی نێوان هەرێم و بەغدا دروست كراون''.
ئەو روونیشی كردەوە، ئەو لیژنانەی لەدوای سەردانی مەسروور بارزانی سەرۆكی حكوومەتی هەرێمی كوردستان بۆ بەغدا درووست كران، پەیامێكی روونە و ئاماژەیەكی گرنگە بەوەی ناوەند و هەرێم ویستی ئەوەیان هەیە كێشە هەڵواسراوەكانی نێوانیان چارەسەر بكەن .
شوشكەیی ئاماژە بۆ ئەوەش دەكات، كە چارەسەركردنی ئەوهەموو كێشە كەڵەكەبووانەی چەند ساڵی رابردوو پێویستی بەكاتەو شایەنی ئەوەیە لەپێناو گەیشتن بە ئەنجامێك دەرفەتی پێویستیان پێبدەین ، هەروك دەڵێت ماوەیەكی زۆرە حكوومەتی هەرێم چەند گرێبەستێكی نەوتیی لەگەڵ كۆمپانیا نەوتییە جیهانییەكان واژۆ كردووە ، ئەگەر ئێستا حكوومەتی هەرێم پاشەكشە لەو رێكەوتننانە بكات ئەوە لێكەوتە و بەرپرسیارێتی لەسەر درووست دەبێت ، بۆیە دەبێت هەردوولا بەرپرسیارێتی ئەو لێكەوتانە بگرنە ئەستۆ .
لەبەشێكی تردا شووشكەیی دەڵێت: ''هەرێم و بەغدا گەیشتوونەتە ئەو ئەنجامەی، كە هەرێم رۆژانە ئەو برە نەوتەی رێكەوتنی لەسەر كراوە رادەستی بەغدا بكات ، بەڵام میكانیزم و لایەنی هونەری ئەو پرۆسەیە پێویستی بەكاتە''.
هەروەها دەشڵێت: ''هەردوولا لەسەر پرسنیپێك رێككەوتوون، كە ئەویش ئەوەیە لەچوارچێوەی دەستووری عێراقدا بەدوای چارەسەرەكاندا بگەرێن و تا گەیشتن بەئەنجامێكی راستەقینەش لێدوان بۆ میدیاكان نەدەن''.
لەسەر یاسای بودجەی ساڵی ٢٠٢٠ یش، سووشكەیی دەڵێت: یاسای بودجەی ساڵی داهاتوو نە دەنگی لەسەر دەدرێت و نە گفتوگۆشی لەبارەوە دەكرێت تا ئەوكاتەی هەولێر و بەغدا لەسەر دۆسیەی نەوت بەتەواوەتی دەگەنە ڕێككەوتن.
جەختیش دەكاتەوە سەرەرای نیازپاكی هەروولا بۆ چارەسەركردنی كێشە هەڵواسراوەكان ، لایەنی كوردی ئیرادەیێكی بەهێزی هەیە تاوەكو لەگەڵ بەغدا ڕێكبكەوێت.
هەروەها دەشڵێت: ''هەردوولا لەسەر پرسنیپێك رێككەوتوون، كە ئەویش ئەوەیە لەچوارچێوەی دەستووری عێراقدا بەدوای چارەسەرەكاندا بگەرێن و تا گەیشتن بەئەنجامێكی راستەقینەش لێدوان بۆ میدیاكان نەدەن''.
جەختیش دەكاتەوە سەرەرای نیازپاكی هەروولا بۆ چارەسەركردنی كێشە هەڵواسراوەكان ، لایەنی كوردی ئیرادەیێكی بەهێزی هەیە تاوەكو لەگەڵ بەغدا ڕێكبكەوێت.