2019-07-30 593
ئه‌دمیراڵ حسێن خانزاده، فه‌رمانده‌ی هێزه ده‌ریاییه‌كانی ئێران ئاشكرایكرد ''رووسیا و وڵاته‌كه‌ی له كه‌نداوی به‌سره و گه‌رووی هورموز مانۆڕێكی سه‌ربازیی هاوبه‌ش ئه‌نجامده‌ده‌ن''.
ئاوێنه: حسێن خانزاده كه به‌مه‌به‌ستی به‌شدارییكردن له ئاهه‌نگه‌كانی رۆژی هێزه ده‌ریاییه‌كانی رووسیا له شاری سان پیترسبێرگی ئه‌و وڵاته‌یه، لێدوانێكی بۆ ئاژانسی ئیرنا داوه.
هاوکات خانزاده جه‌ختی له‌وه‌كردووه‌ته‌وه كه ئێران و رووسیا رێككه‌وتنی هاریكاریی سه‌ربازییان واژووكردووه و رایگه‌یاندووه ''هێزه ده‌ریاییه‌كانی ئێران و رووسیا له هه‌ریه‌ك له ئۆقیانوسی هندی، ده‌ریای مه‌كران، كه‌نداوی به‌سره و گه‌رووی هورمز مانۆڕێكی سه‌ربازیی هاوبه‌ش ئه‌نجامده‌ده‌ن''.
شایەنی باسە فه‌رمانده‌ی هێزه ده‌ریاییه‌كانی ئێران ئاشكرایكرد ''چاوه‌ڕوانن تا كۆتایی ئه‌مساڵ مانۆڕه سه‌ربازییه هاوبه‌شه‌كه، ئه‌نجامبدرێت''.