پێشنیوەڕۆی ئەمڕۆ چوارشەممە هەردو وەزیری دارایی و وەزیری نەوتی عێراق
بانگهێشتی پەرلەمان كراون بۆ گفتوگۆ لەسەر دۆسیەی هەناردەی نەوتی هەرێمی كوردستان.
ئاوێنە: ماڵپەڕی "سومەریەنیوز" بڵاویكردۆتەوە كە پێشنیوەڕۆی
ئەمڕۆ فواد حسێن، وەزیری دارایی و سامر غەزبان، وەزیری نەوتی عێراق چونەتەوە
پەرلەمان و دانیشتنی بانگهێشتكردنەكە بە سەرۆكایەتی حسێن كەعبی، جێگری یەكەمی سەرۆكی
پەرلەمان و بە ئامادەبونی ئەندامانی لیژنەی نەوت و وزەو دارایی پەرلەمان دەستی
پێكردوە.
سەرچاوەكە هێمای
بۆ ئەوەش كردوە كە بانگهێشتكردنی ئەو دو وەزیری بەمەبەستی گفتوگۆكردنە لەسەر
دۆسیەی هەناردەی نەوتی هەرێمی كوردستان.