2019-08-01 616
سەعد خەزعەلی ئەندامی لیژنەی وەبەرهێنان و ئابووری ئەنجومەنی نوێنەرانی عیراق ئاشكرایكرد لیژنەیەك پێكهێنراوە بۆ بەدواداچوونی داهاتی دەروازە سنوورییەكان كەلەساڵانی رابردوودا داهاتەكانیان نەخراوەتە نێو پرۆژەیاسای بودجەی گشتی.
ئاوێنه: ئه‌و ئەندامه‌ی لیژنەی وەبەرهێنان و ئابوری روونیشیكردەوە ''لیژنەی وەبەرهێنان و ئابووری ئەنجومەنی نوێنەرانی عێراق ئەركی پێكهێنانی ئەو لیژنەیەكی لەئەستۆ گرتووە بۆ بەدواداچوونی داهاتی دەروازە سنوورییەكان لەساڵانی رابردوودا و ئاماژەی بەوەكرد بەملیارەها دینار داهاتی ئەو دەروازانە نەخراوەتەوە چوارچێوەی پرۆژەیاسای بودجەی گشتی بە هۆكاری سیاسی و دەسەڵات و هەژموونی هەندێك حزبی سیاسی لەسەر دەروازە سنووریەكان''.
وتیشی: پرۆژەیاسای بودجەی گشتی ساڵی 2020 داهاتی سەرجەم دەروازە سنوورییەكانی تێدایە لەگەڵ ئاشكراكردنی ئەو پارانەی لەساڵانی رابردوودا نەخراوەتەسەر بودجە.