حەسەن فدعەم،
پەرلەمانتاری فراكسیۆنی حیكمە لەپەرلەمانی عێراق، ئەمڕۆ هەینی، رایگەیاند، ئەگەری
هەیە فواد حسێن، وەزیری دارایی عێراق،
دوای بانگهێشتكردنی بۆ دانیشتنی پەرلەمان، لە پۆستەكەی لابدرێت.
ئاوێنە: حەسەن فدعەم، بە ماڵپەڕی "بەغداد ئەلیەوم"ی رایگەیاندوە"ئیرادەیەكی راستەقینە هەیە لای پەرلەمانتاران بۆ بانگهێشتكردن و لادانی وەزیری دارایی لە پۆستەكەی، دوای
ئەو پێشێلكارییە بەردەوامانەی لە یاسای بودجەی گشتی ساڵی 2019دا كراون."
وتوشیەتی"هەروەها كاریش دەكەین بۆ ئەوەی رێگە بگرین لە پێدانی یەك
دینار بە هەرێم ئەگەر هەرێم پابەندنەبێت بە جێبەجێكردنی بڕگەكانی بودجەوە لەبارەی
هەناردەی نەوت و داهاتی دەروازە سنورییەكان."
هێمای بۆ ئەوەش
كردوە كە لەلایەن سەرۆكی لایەنەكانەوە هیچ فشارێكیان لەسەر نییەو پەرلەمانتاران
بڕیاریان داوە رۆڵی راستەقینەی خۆیان بگێڕن لە "بانگهێشتكردن و لادانی فواد
حسێن لە پۆستەكەی."