وەزارەتی پەروەردەی عێراقی ئەو قوتابخانە تایبەتانە دادەخات کە رێژەی سەرکەوتنی پێویستیان لە ئەزموونە گشتییەکان بەدەست نەهێناوە
  2019-08-07       447       

چاودێری پەروەردەیی وەزارەتی پەروەردەی عێراق رایگەیاند، وەزیری پروەردە بە وەکالەت رەزامەندی نیشانداوە لەسەر دەرکردنی بڕیاری ''داخستنی بەشێک'' لە قوتابخانە تایبەتەکان کە رێژەی سەرکەوتنی پێویستیان لە ئەزموونە گشتییەکان بەدەست نەهێناوە. 

ئاوێنه‌: لە بەیاننامەیەکدا کازم حەداد، چاودێری ۆەروەردەیی وەزارەتی پەروەردەی عێراق ئاماژەی بەوە کردووە کە قوسەی سوهەیل، وەزیری پەروەردە بە وەکالەت رەزامەندی نیشانداوە بە دەرکردنی بڕیارێکی تایبەت بە قوتابخان تایبەتەکان کە تێیدا ئاماژە بەوە دەدرێت پێویستە ئەو قوتابخانە تایبەتانە دابخرێن کە لە ئەزموونە گشتییەکاندا نمرەی پێویستیان نەهێناوە و رێژەی سەرکەوتنیان کەمە .

هاوکات حەداد دەڵێت، ''نووسینگەی وەزیر گەیشتووەتە ئەوەی کە وەزیر رەزامەندی نیشانداوە بە داخستنی ژمارەیەک قوتابخانەی تایبەت بە تۆمەتی کەمیی ریژەی دەرچوون و سەرکەوتن''.

پێشووتر بەهۆی کەمیی نمرەکانەوە ژمارەیەک بەڕێوەبەر و یاریدەدەر رووبەڕووی لێپێچینەوە و بەدواداچوون ببوونەوە.
زۆرترین بینراو
© 2018 Awene Online, Inc. All Rights Reserved.
×