زنجیرەیەك تەقینەوە لەكۆگایەكی چەك و تەقەمەنی سوپای توركیا لەنزیك سنوری سوریا رویدا
  2019-08-09       735       

كەناڵی تەلەفزیۆنی "ئێن تی ڤی" توركی بڵاویكردەوە، بەرەبەیانی ئەمڕۆ هەینی، زنجیرەیەك تەقینەوە لە كۆگایەكی چەك و تەقەمەنی سوپای توركیا لە "هاتای" نزیك سنوری سوریا رویداوەو بەو هۆیەشەوە ماڵەكانی نزیك لە كۆگاكە چۆڵكراون.


ئاوێنە: كەناڵەكە لە هەواڵێكدا هێمای بۆ ئەوە كردوە زانیارییەكان ئاماژە بە بونی زیانی گیانی لە تەقینەوەكەدا نادەن كە نزیك سەعات 3:30 خولەكی بەرەبەیانی ئەمڕۆ لە ناوچەی رەیحانلی سەر بە پارێزگای هاتای رویداوە.


كەناڵە توركیەكە ئاماژەی بەوە داوە كە تیمە فریاگوزارییەكانی توركیا گەمارۆی ناوچەكەیان داوە.


بەپێی ئاژانسی رۆیتەرز-یش هێشتا هۆكارەكانی پشت تەقینەوەكەن رون نەبونەتەوە.

زۆرترین بینراو
© 2018 Awene Online, Inc. All Rights Reserved.
×