كەشتییەكی جەنگی
بەریتانیا بەرەو ئاوەكانی كەنداو بەڕێكەوت بۆ بەشداریكردن لەو ئەركە هاوپەیمانییەی
كە لەلایەن ئەمریكاوە سەرۆكایەتی دەكرێت بە ئامانجی پارێزگاریكردن لە كەشتییە
بارهەڵگرە بازرگانییەكان.
ئاوێنە: ئەو
هەنگاوە دوای ئەوە دێت كە ئێران دەستی بەسەر كەشتییەكی نەوتهەڵگری بەریتانیادا لە
گەروی هورمز گرت، ئەوەش پاش ئەوەی لە لە 4ی تەمموزدا بەریتانیا لە نزیك جەبەل
تاریق دەستی بەسەر كەشتییەكی نەوتهەڵگری ئێرانیدا گرتبو.
كەشتییە
جەنگییەكەی بەریتانیا كە بەرەو كەنداو بەڕێكەوت ناوی كەشتی جەنگی "كەنت"
و فەرماندەی كەشتییەكە، ئاندی براون رایگەیاند"هێشتا لەكەنداو بەتەواوی سەرنجمان
لەسەر ئەوەیە كە گرژییەكانی ئێستا كەم بكەینەوە."
وتیشی"بەڵام پابەندین بە پاراستنی
ئازادی هاتوچۆی دەریایی و پاراستنی بارە نێودەوڵەتییەكان. لەبەرئەوەش بەرەو كەنداو
بەڕێكەوتون."