گەرمیان؛ لەکاتی جوتکردندا تراکتۆر كەوت بەسەر گەنجێکداو گیانی لەدەستدا
  2019-08-13       158       

سەرلەبەیانی ئەمڕۆ سێشەممە كە هاوكات سێیەم رۆژی جەژنی قوربانە لە ناحیەی رزگاری سەربە قەزای كەلار لەكاتی جوتكردندا تراكتۆر كەوت بەسەر گەنجێكی تەمەن 17 ساڵانداو دەستبەجێ گیانی لەدەست دا.

ئاوێنە: بەڕێوەبەرایەتی پۆلیسی گەرمیان لەڕاگەیەندراوێكدا كە وێنەیەكی دەست ئاوێنە كەوتوە رایگەیاند"بەیانی ئەمڕۆ سێشەمە و سێیەم ڕۆژی جەژنی قوربان لەناحییەی ڕزگاری سەربە قەزای کەلار گەنجێک بەناوی"شاهۆ هیجران حەسەن" لەدایکبوی 2002 بەمەبەستی جوتکردن ڕوی لەگوندەکەی خۆیان کردوە بەناوی گوندی "قەرێتاغ" سەربە ناحیەی قەرەتەپە."

وتوشیەتی"لەکاتی جوتکردندا تراکتۆربەسەریدا کەوتوەو لەئەنجامدا گیانی لەدەستداوە."

پۆلیس ئەوەشی خستۆتەڕو"لەئێستادابەمەبەستی توێکاری تەرمەکەی ڕەوانەی پزیشکی دادوەری قەزای کەلار کراوە."

زۆرترین بینراو
© 2018 Awene Online, Inc. All Rights Reserved.
×