لیژنەكانی قایمقامیەت برێكی زۆر لە خورمای مریەم لەناو دەبەن
  2019-01-20       968       

لیژنەكانی قایمقامیەت برێكی زۆر لە خورمای مریەم لەناو دەبەن، لە لایەن لیژنە هاوبەشەكانی قائیمیەتی سلێمانییەوە لە دو شوێنی جیاوازدا دەست بەسەر برێكی زۆر خورمادا دەگیرێت و ئەندامێكی لیژنەی باڵاش رایدەگەیەنێت پاش ئەنجامدانی پشكنینی تاقیگەیی بڕیاری لەناوبردنی دراوە.


ئاوێنە:ئەمرۆ "یەك شەممە" ماڵپەری فەرمی قایمقامیەتی پارێزگای سلێمانی رایگەیاند لەلایەن گەران و پشكنینە بەردەوامەكانی لیژنەی دوی سەر بەلیژنەهاوبەشەكانی قائیمقامییەتی سلێمانی لەدو شوێنی جیاوازی شاری سلێمانی دا گومان لە خراپبوونی برێكی زۆر خورمای بریەم دەكرێت، بەمەبەستی دڵنیابوونەوە لێی دەستی بەسەردا دەگیرێت و نموونەكەشی ڕەوانەی بەڕێوەبەرێتی خۆپاراستنی تەندروستی سلێمانی دەكرێت.


لەبارەی بڕی خورماكەوە، ئازاد نەبی، ئەندامی لیژنەی باڵا لە لیژنە هاوبەشەكانی قائیمقامییەتی سلێمانی رایگەیاند بری خورما دەست بەسەرداگیراوەكە 1665 كیلۆ دەبێت و برێكیان لە یەكێك لە قاتعەكانی عەلوەكە و برەكەی تریشیان لە دوكانێكی ناو بازاری شاری سلێمانی دەستی بەسەرداگیراوە.


ئازاد نەبی ئەوەشی خستەڕو كە ئەنجامی پشكنینی تاقیگەیی دەریخستووە ئەو برە خورمایە بەهۆی خراپبوونییەوە بەها خۆراكییەكانی لە دەست داوە، و بە هیچ جۆرێك شیاوی خواردن و بەكارهێنان نییە، بۆیە دەست بەجێ‌ بە بریاری قائیمقامی سلێمانی لە ناوچەی تانجەرۆی شاری سلێمانی لەناو براون.



راگەیاندنی قامیمقامیەتی پارێزگای سلێمانی

 
زۆرترین بینراو
سه‌رۆك وه‌زیرانى ئیسرائیل هه‌ڕه‌شه‌ له‌عێراق ده‌كات
جەهەپە: ئاکەپە ئامادەکاری دەکات سەرۆک شارەوانییەکانی ئیستەنبوڵ‌و ئەنقەرەش دوربخاتەوە
یەکێتی ئەوروپا: لابردنی سێ سەرۆک شارەوانییەکە سه‌لماندی دیموكراسی له‌توركیا بونی نییه‌
عومەر بەشیر لەنێو قەفەس دادگا: ٢٥ ملیۆن دۆلارم لە محەمەد بن سەلمان وەرگرتووە
كشتوكاڵی سلێمانی سزای‌ 27 فه‌رمانبه‌ری‌ دا له‌سه‌ر ئه‌وه‌ی‌ پابه‌ندنه‌بوون به‌كاتی ده‌وامكردنه‌وه‌
فازڵ میرانی: ڕێگە نادەین لەهەرێمی کوردستانەوە هەڕەشە لەئاسایشی ئێران بکرێت
سوپای سوریا لە ئاسمانەوە هێرشی کردە سەر کاروانێکی سەربازی سوپای تورکیا
وتەبێژی حكومەتی هەرێم: ئامادەین داهاتی 250 هەزار بەرمیل نەوتی رۆژانە رادەستی بەغدا بكەین
پۆلیسی تورکیا هێرشی کردە سەر خۆپیشاندەرانی دیاربه‌كر
مه‌سرور بارزانی‌ داوا له‌وه‌زیره‌كانی‌ كابینه‌ی‌ نۆیه‌م ده‌كات فۆڕمی‌ ئاشكراكردنی‌ سامانه‌كه‌یان پڕبكه‌نه‌وه‌
© 2018 Awene Online, Inc. All Rights Reserved.
×