2019-08-15 794
وته‌بێژی به‌ڕێوه‌به‌رایه‌تى هاتوچۆی پارێزگای سلێمانی رایده‌گه‌یه‌نێت ''له ماوه‌ى چوار رۆژى جه‌ژنى قورباندا هه‌شت روداوى هاتوچۆ له سنورى پارێزگاى سلێمانى رویانداوه و له ئه‌نجامدا 22 كه‌س بونه‌ته قوربانى''.
ئاوێنه: كاروان محه‌مه‌د، وته‌بێژی به‌ڕێوه‌به‌رایه‌تى هاتوچۆی پارێزگای سلێمانی رایگه‌یاند ''له ماوه‌ی چوار رۆژی جه‌ژنی قوربانی ئه‌مساڵ، هه‌شت روداوی هاتوچۆ له سنوری به‌ڕێوه‌به‌رایه‌تیه‌كه تۆماركراون، له‌و ژماره‌یه‌ش چوار رووداویان له ناو شاری سلێمانی و چوار رووداوه‌كه‌ی دیكه‌ش له ده‌ره‌وه‌ی شار بوون، چوار رووداویان وه‌رگه‌ڕان بوون و چواریشیان پێكدادان''.
ئاماژه‌ی به‌وه‌شدا "له ئه‌نجامى هه‌شت رووداوه هاتوچۆكه‌دا چوار كه‌س گیانیان له‌ده‌ستداوه و 18 كه‌سى دیكه‌ش برینداربوون".
باسى له‌وه‌شكردووه "له جه‌ژنی قوربانی ساڵی رابردوودا 16 رووداوى هاتوچۆ تۆماركرابوون كه له ئه‌نجامدا 22 كه‌س برینداربوون، هیچ كه‌سێكیش گیانی له‌ده‌ستنه‌دابوو".