2019-08-15   712     
مەسرور بارزانی، ئهندامی مهكتهبی سیاسی پارتی دیموكراتی كوردستان، پەیامێکی پیرۆزبایی بۆ یادی 73هەمین ساڵیادی دامەزراندنی پارتی دیموکراتی کوردستان بڵاوکردەوە.
ئاوێنه: مەسرور بارزانی دەڵێت، "ئەم بۆنە مەزنە ببێتە مایەی بەدەستهێنانی دەستکەوتی گەورەتر و ژیانێکی بەختەوەرتر بۆ گەلەکەمان و ئاشتی و ئاوەدانی و ئارامی زیاتر بۆ وڵاتەکەمان".
هەروەها مەسرور بارزانی پیرۆزبایی لە مەسعود بارزانی دەكات و دەڵێت، هیودارم ئەم بۆنە مەزنە ببێتە مایەی بەدەستهێنانی دەسکەوتی گەورەتر و ژیانێکی بەختەوەرتر بۆ گەلەکەمان و، ئاشتی و ئاوەدانی و ئارامی زیاتر بۆ وڵاتەکەمان
دەقی پەیامەکەی مەسرور بارزانی:
بەبۆنەی یادی حەفتاو سێ ساڵەی دامەزراندنی پارتی دیموکراتی کوردستان ، پارتی کوردایەتی و بەرخودان و ساڵڕۆژی لە دایکبوونی سەرۆک و رابەرمان مەسعود بارزانی، گەرمترین پیرۆزبایی لە جەنابی سەرۆک و ئەندام و لایەنگرانی پارتی و پێشمەرگە قارەمانەکان و بنەماڵەی سەربەزری شەهیدان و هەموو خەڵکی کوردستان دەکەم .
هیودارم ئەم بۆنە مەزنە ببێتە مایەی بەدەستهێنانی دەسکەوتی گەورەتر و ژیانێکی بەختەوەرتر بۆ گەلەکەمان و، ئاشتی و ئاوەدانی و ئارامی زیاتر بۆ وڵاتەکەمان،