2019-08-15 874
سەرپەرشتیاری ستافی پزیشكیی كوشتارگەی سلێمانی ڕایگەیاند ئەمساڵ بەبەراورد بە ساڵی ڕابردوو زیاتر گۆشتکراوە بە قوربانی و 77 تەن و 300 كیلۆ گۆشت تەسلیمی هاوڵاتییان كراوەتەوە كە بۆ قوربانیكردن بەكاریان هێناوە.
ئاوێنه: شاڵاو عارف، سەرپەرشتیاری ستافی پزیشكیی كوشتارگەی سلێمانی، ئاشکرایکرد کە ئەمساڵ بەبەراورد بە ساڵی ڕابردوو زیاتر گۆشتکراوە بە قوربانی و ڕونیکردەوە پێنج ڕۆژ پێش جەژن 793 تەن و 800 كیلۆ گۆشتی سوور لە كوشتارگەوە ڕەوانەی بازاڕەكان كراوە و لە جەژنیشدا 77 تەن گوشت بۆ قوربانی براوە.
ئاماژه‌ی به‌وه‌شدا زیاتر لە 7 تەن گۆشت كە تەندروست نەبووە بۆ خواردن ڕێگەنەدراوە بخرێتە بازاڕەوە و سوتێنراوە.
ئەو بەرپرسەی کوشتارگەی سلێمانی باسی لەوەشکرد لە چوار ڕۆژی جەژندا، 77 تەن و 300 كیلۆ گۆشتی سور لە كوشتارگەی سلێمانیەوە تەسلیمی هاوڵاتییان كراوەتەوە كە بۆ قوربانیكردن بەكاریان هێناوە.