ئەمڕۆ پێنجشەممە، گەنجێكی 20 ساڵان لەكاتی مەلەكردندا لە بەنداوی دهۆك خنكا كە ئەوەش دوەم روداوی هاوشێوەیە لەم هەفتەیەدا.
ئاوێنە: بەڕێوەبەرایەتی پۆلیسی پارێزگای دهۆك لە ڕاگەیەندراوێكدا كە وێنەیەكی دەست ئاوێنە كەوتوە رایگەیاند، ئەمڕۆ پێنجشەممە گەنجێكی 20 ساڵام كە دانیشتوانی شاری دهۆكە لەكاتی مەلەكردندا لە بەنداوی دهۆك خنكاوە.
هێمای بۆ ئەوەش كردوە كە تیمەكانی بەرگری شارستانی لەئێستادا لەشوێنی روداوەكەن و لە هەوڵدان بۆ دەرهێنانەوەی تەرمی گەنجەكە.
ئەوەش لەكاتێكدایە كە رۆژی دوشەممەی ئەم هەفتەیە هەر لە بەنداوی دهۆك مێردمنداڵیكی تەمەن 14 ساڵانی خەڵكی ئەو شارە لەكاتی مەلەكردندا خنكاو پاش چەند سەعاتێك تەرمەكەی لەلایەن تیمەكانی بەرگری شارستانییەوە دەرهێنرایەوەو رەوانەی پزیشكی دادوەریی كرا.