كۆسرەت رەسول، جێگری سكرتێری گشتی یەكێتی لەپەیامێكی پیرۆزباییدا بۆ پارتی
بە بۆنەی ساڵیادی دامەزراندنی ئەو حزبەوە دەڵێت، دۆخی كوردستان
و عێراق و ناوچەكە ئەوە دەخوازێ سەرجەم هێزو لایەنە سیاسییەكان بەیەك گوتاری هاوبەشی
نیشتمانی و نەتەوەیی، ساز و ئامادەبن بۆ بەرەنگاربونەوەی تەحەدیاتەكان.
ئاوێنە: كۆسرەت رەسول لەپەیامەكەیدا كە ئاڕاستەی مەسعود بارزانی و مەكتەبی
سیاسی و سەركردایەتی پارتی كردوە، پیرۆزبایی یادی خەفتاو سێ ساڵەی دامەزراندنی پارتەكەیانی
لێكردون.
كۆسرەت رەسول وتویەتی"دۆخی كوردستان و عێراق و ناوچەكە ئەوە دەخوازێ سەرجەم
هێزو لایەنە سیاسییەكان بەیەك گوتاری هاوبەشی نیشتمانی و نەتەوەیی، ساز و ئامادەبن
بۆ بەرەنگاربونەوەی تەحەدیاتەكان و هەوڵدان بۆ بەدەستهێنانی دەستكەوتی زیاتر بۆ گەلەكەمان،
بێگومان ئەمەش تەنها بەیەكڕیزی و تەبایی نێوان لایەنە سیاسییەكان دەكرێ."
ئەوەشی خستۆتەڕو"ئەزمونی چەند ساڵەی
حوكمڕانی لەكوردستان ئەوەی سەلماندوە كە تەنهاو تەنها بەیەكگرتویی دەتوانرێ باشترین
خزمەت پێشكەشی هاوڵاتیان بكرێ و بەرەنگاری هەمو هەوڵێكی تیرۆرستان و مەترسی بۆ سەر
خاكەكەمان بین."