وەزارەتی دەرەوەی ئێران رایگەیاند، رێككەوتنی ئەمریكا لەگەڵ توركیا بۆ
دامەزراندنی ناوچەیەكی ئارام لە باكوری سوریا، كارێكی "ئیستیفزازییە" و جێی
نیگەرانییە.
ئاوێنە: عەباس موسەوی، وتەبێژی وەزارەتی دەرەوەی ئێران، ئەمڕۆ یەكشەممە،
لەبەیاننامەیەكدا رایگەیاند، لێدوانەكان و رێككەوتنی ئەم دواییەی بەرپرسانی
ئەمریكا سەبارەت بە دامەزراندنی ناوچەیەكی ئارام لە باكوری رۆژهەڵاتی سوریا
ئیستیفزازی و جێی نیگەرانین.
وتیشی"ئەو جۆرە كارانە دەبنە مایەی ناسەقامگیری و...دەستوەردانن
لەكاروباری ناوخۆیی سوریا و دەبنە مایە نائارامی لە ناوچەكە.
هێمای بۆ ئەوەش كرد كە رەفتاری ئەمریكا لە باكوری رۆژهەڵاتی سوریا
پێشێلكردنێكی ئاشكرای سەروەری یاساو یەكپارچەیی خاكی سوریایەو دژ بە بنەما یاساییە
نێودەوڵەتییەكان و پەیماننامەكانی نەتەوە یەكگرتوەكانە.
وتیشی"ئاساییە
كە نیگەرانییە ئەمنییەكان لەسەر سنوری باكوری سوریا لەچوارچێوەی رێككەوتنە دوقۆڵییەكانی
هەردو دراوسێدا و بە نیازی پاكەوە بڕەوێنرێنەوەو هیچ پێویست بە دەستوەردانی هێزە
دەرەكییەكان ناكات."