سێ
سەرۆكایەتییەكەی عێراق جەخت لە گرنگی پەلەكردن لەپێكهێنانی حكومەتی نوێ و
بەدیهێنانی داخوازییەكانی چاكسازی دەكەنەوە.
ئاوێنە:
سەرۆكایەتی كۆماری عێراق لەبەیاننامەیەكدا رایگەیاند، ئێوارەی ئەمڕۆ چوارشەممە لەمیانی
كۆبونەوەی هەر سێ سەرۆكایەتی لە كۆشكی سەلام،، هەر سێ لا جەختیان لەسەر بەردوامی
رەچاوكردنی بەرژەوەندی و ئاسایشی سیاسی و دارایی عێراق كردۆتەوە بە هەڵوێستی
نیشتمانی هاوسەنگ بەرامبەر بە قەیرانە ئیقلیمی و نێودەوڵەتییەكانی چواردەوری عێراق
و هەروەها جەختیان لە هێوركردنەوەو دان بەخۆداگرتن و رێگریكردن لە گرژییەكان
كردۆتەوە.
بەیاننامەكە هێمای
بۆ ئەوەش كردوە كە هەر سێ سەرۆكایەتییە جەختیان لەسەر پەلەكردن لە پێكهێنانی
حكومەتی نوێ و بەدیهێنانی داخوازییەكانی چاكسازی لەسەر ئاستە جیاجیاكانی سیاسی و
ئابوری و خزمەتگوزاری كردۆتەوە بەشێوەیەك كە سەروەری و عێراق و ئاسایشی هاوڵاتیان
بپارێزێت لە ئاڵنگاریەیكانی تیرۆر تا بەدیهێنانی سەركەوتن.
هەروەها كۆبونەوەكە
پێداگری لەسەر پێویستی رەچاوكردنی پەرۆشی سەروەری نیشتمانی و پاراستنی لە
دەستوەردانە دەرەكییەكان كردۆتەوە.