ل دهوكێ‌ رێكخراوەك دەرمانێن نەخۆشیا شەكرێ‌ بۆ زێدەتر 6000 نەخوشان دابین بكەت
  2020-01-28       309       

رێكخراوەكا منداڵ پارێزی كوردستان 119 كارتوونێن دەرمانێن نەخۆشیا شەكرێ‌ دەتە ساخلەمیا دهوكێ‌ دا نەخوشێن شەكرێ‌ مفای ژێ‌ وەرگرن.


ئاوێنە، وارهێل نێروەیی: عبداللە ماسیكی، بەرپرسێ‌ رێكخراوا منداڵ پارێزیا كوردستانێ‌ ل پارێزگەها دهۆكێ‌ بۆ " ئاوێنە " راگەهاند: ب ریێا رێكخراوا مندال پارێزیا كوردستانێ‌ 119 كارتونێن حەبكا یێن نەخۆشیا شەكری ژ دەرڤەی وەلاتی دابینكریە، چەندین جورێن حەپكا پێك دهێت ژوانا (هیزا وان1000  ملم گرامێ‌، 850 ملم گرامی، 750 ملم گرامی) پێك دهێن و دێ‌ شەش هزار و 500 نەخۆش مفایێ‌ ژی وەرگرن.
گوت ژی: " بەردەوام ل سەر پەێداكرنا دەرمان كوالیتا وان باش كاردكەن بۆ نەخۆشان نها ژی ئەم لسەر هندێ‌ كار دكەین تشتەكێ‌ بۆ نەخۆشین سەنتەرێن ژین یێ‌ نەخوشیێن پەنجەشێرا زارۆكا پەیدا بكەین هیڤیا مە ئەوە ئەم بشێین باشتر خزمەتا ساخلەمیا دهۆكێ‌ بكەین.
د.نزار عسمەت، رێڤەبەری گشتی یێ‌ ساخلەمیا پارێزكەها دهۆكێ‌ دیاركر: راستی مە پێدڤی  گەلەك دەرمانان هەیە بتایبەتی ژی دەرمانیێن كوالیتەیەكا باش بیت، ئەڤە رێژەكا زۆر باشە سوپاسیا رێكخراوا ناڤبری دكەین. 
گوت ژی: هژمارەكا زۆر ئاوارە و پەنابەر د سنورێ‌ پارێزگەها دهۆكێ‌ هەنە دگەل وێ‌ چەندێ‌ ژی نەخوشێن دومدرێژ هەنە هیڤیا مە ئەوە رێكخراوێن ڤی شێوەیی بەردەوام هاریكاریا ساخلەمیا دهوكێ‌ بكەن.

زۆرترین بینراو
© 2018 Awene Online, Inc. All Rights Reserved.
×