2019-03-08 1410
وتەبێژی وەزارەتی بەرگریی ئەمریکا -پنتاگۆن- هۆشداریی ده‌داته توركیاو رایده‌گه‌یه‌نێت، کڕینی سیستەمی بەرگری ئاسمانی روسی لەلایەن تورکیاوە، ئەنجامی قورسی بۆ پەیوەندییه سەربازییه‌كانی واشنتۆن‌و ئه‌نكه‌ره لێدەکەوێتەوە.
ئاوێنه: چارلس سەمەرس، وتەبێژی وەزارەتی بەرگریی ئەمریکا، لەکۆنگرەیەکی رۆژنامەوانیدا باسی له‌كڕینی سیستەمی بەرگری ئاسمانی روسی -S-400- لەلایەن تورکیاوە كردو رایگەیاند، کڕینی سیستەمه‌كه لەلایەن تورکیاوە ئەنجامی قورسی بۆ پەیوەندی سەربازیی ھەردو وڵات لێدەکەوێتەوە.
لەبارەی پرسیاری رۆژنامەنوسێک کە بەکارھێنانی وتەی "ئەنجامی قورسی" دەبێت بەرامبەر وڵاتێکی ھاوپەیمان لەناتۆ بە چ مانایەک دێت؟ سەمەرس وتی، "واته توركیا ناتوانێت سیستمی F-35و پاتریۆتی ئه‌مریكیی بکڕێت".