ئیناس هێشتا چاڤەرێ‌ یە
  2019-04-04       763       

ئا: رەوشەن دخیل


ئیناس رزگاربویەكا دەستێ‌ داعشە ب رێكا ئامیرێ‌ پەیوەندی یێ‌ باس لچیرۆكا خۆ دكەت ودبێژیت:ل سپێدەهیا 3\8 ئەز ل هیڤیا هلاتنا رۆژێ‌ بووم كو تیرۆشكێ‌ خۆ بەردەتە عەردی  بەلێ‌ بەروڤاژی هرۆبایەك بهێز هات وقەلەرەشكێ‌ داعش دگەل خۆ ئینان.ژترسادا رێك لبەرمە بەرزەبوو مە نزانن ئەمێ‌ بەرەف چ ئاقارڤە بچن.سەرەرای ترسێ‌ ولەرزێ‌  ئەم نێزیكی دوازدە كەسان سواری ترومپێلەكا پچوك بوون,ئەم برێكەفتن داكو ئەم گیانێ‌ خۆ رزگاربكن.خەلكێ‌ ربیعا رێك لمەگرتن ودناڤا وی خەلكی دا كریڤەكێ‌ مەیێ‌  نەتەوا عەرەب هەبو .لوێرێ‌ خیانەتێ‌ دەستپێكر, ئەم رادەستی داعشێ‌ كرن و من گوت ژیانا من بدوماهیك هات, چونكی هەمی كەس وكارێ‌ من گرتن وئافرەت وزەلام ژیك جوداكرن وهەر ئێك ژمە بپاسەكێ‌ برن ئەم بەرەف تلعفەرڤە چون وئەم لوێرێ‌ ل قوتابخانەكێ‌ ئاكنجیكرن وتیرۆرستێ‌  داعش ئافرەتێن بناڤسالڤەچوی دكوشتن گەنج بۆ خۆ ژێدگرتن، لێ‌ من خۆ وەكی دینا لێ‌ كر داكۆ ئەز نەهێمە هەلبژارتن بۆ داعشەكێ‌ هۆڤ,بۆ ماوێ‌ هەڤدە روژا من سیناریۆیەك دانا خۆ دین كر تنێ‌ دا ئەز نەكەڤمە دەستێ‌ وان دا لێ‌ یابێ‌ مفابوو.دەمێ‌ ئیناسێ‌ ئەڤ پەیڤە گوتین من ژێ‌ پرسی ئەرێ‌ بۆ تە ئەڤ تشت یێ‌ بزەحمەت نەبوو؟ئیناسێ‌ بكەنی ڤە گوت ئەز هێشتا باوەرناكەم من چاوا شیا وێ‌ سیناریویێ‌ ئەنجام بدەم لێ‌ دەمێ‌ ترسێ‌ هەمی تشتا مرۆڤ دشێت ئەنجامبدەت .دیسا ئیناسێ‌ بەردەوامی دا پەیڤا خۆ وگۆت: لدەمێ‌ داعش ئاگەهداربوی ژسیناریۆیا من بشێوەكێ‌ درندانە وب قایشا ئەز قوتام.پشتی بۆرینا دوو رۆژا من پێكولكر ئەز پەیوەندیێ‌ بخالدێ‌ هەڤژینێ‌ خۆبكم لێ‌ من نەشیا ئامیرێ‌ پەیوەندیێ‌ بدەست خوڤە بینم.هتا كۆ تیرۆرستەكێ‌ داعش بناڤێ‌ عبدوللەتیف هاتی وئەز بۆخۆ هەلبژارتم, ئەز برمە دناڤ مالا خۆ دا.شەڤ بسەر مەدا هات بێ‌ وژدانیا مرۆڤایەتیێ‌ دەستپێكر,وی داعشی بجلكێت رەش ئەز خەملاندم و زارۆكێ‌ من كرنە دژۆرەكا تاریدا ودەرگەه لسەر وان دائێخست لوی دەمی بزوری دەسدرێژیا سێكسی لسەر منكر پاشی ئەز قوتام چونكو  نەیە رازیبووم لسەر وێ‌ كریارێ‌.دوو هەیڤ وسێزدە روژا دگەل عبدوللەتیفێ‌ هوڤ دناڤ ئێش وئازار وغەریبیا خالدی دادژیام.روژەك هات وعبدللەتیف هندەك جلكیت راپێچای بشێوێ‌ سەماكەرا بۆ من ئینان وگوت ئەڤرۆ خۆ بخەملینە من بۆتە سوپرایزەك یاهەی وبكرێتی دكرە كەنی من گوتێ‌َ:ئەو چ سوپرایزە؟گوتە من شولا تە نینە,هێڤار هات وعبدوللەتیف نێزیكی شەش كەسان ئینان وداخاز ژمن كر كۆ ب وان جلكان دناڤ واندا سەمایێ‌ بكم,من نەرازیبونا خۆ دیاركر ومن گوتە عبدللەتیفی هەمی تشت من ژتە قبولكرن لێ‌ ئەز ڤێ‌ قبولناكمە گوتە من باشە,بەلێ‌ دێ‌ كورێ‌ تە شێرزادی كەمە شیڤ بۆ وان بوێ‌ رێكێ‌ ئەز رازی كرم,هەر چەندە من سەما نە دزانی و بچاڤێ‌ گری من سەما دكر لدوماهیكا وێ‌ شەڤێ‌ عبدلەتیف ئەز رادەستی غفارێ‌ تونسی كرم.وی ژی هەر روژ ئەز ئەشكەنجەدام بدارێ‌ زوریێ‌ دەستدرێژیا سێكسی دگەل من دكر.شەڤەكێ‌ ئەز رابوم دا ئاڤەكێ‌ ڤەخۆم  پاشی خالد هاتە هزرێ‌ من ئەز رابوم من هەمی جه لێكدان داموبایلا غەفارێ‌ تیرۆرست پەیدابكەم لێ‌ من هندەك   تشتێ‌ غەریب دبەریكا وی دا دیتن من زانی مادێ‌ بێهوشكەرن ئەز گەلەك ترسیام من گوت نەكۆ روژەكێ‌ وزارۆكێ‌ من ژی  فێركەت ئەز رابوم من هەلگرتن.لڤێرێ‌ من گوتە ئیناسێ‌ تە هزرنەدكر بەرزەكرنا ڤی تشتی ژ داعشەكی یا ب مەترسە؟هەر چركەك دگەل تیرۆرستێ‌ داعش دمەترس بوون بدەنگەكێ‌ خەمگینڤە ئەڤە بەرسڤا ئیناسا رزگاربویبوو دیسا گۆت:لروژا دیفدا من زانی غەفار نەیێ‌ ئارامە دگەل شكاندنا گلاسەكێ‌ ئەو نڤست,لرۆژا پشتی وێ‌ ئەو هۆڤە  تەنگاڤ بوو پرسیارا مادێ‌ بێ‌ هوشكەر كر من گوتێ‌ نزانمە وەكی دینا لێ‌ هات ودلەرزی وهەمی تشتێ‌ مالێ‌ شكاندن وزاروك وئەز قوتام ژمن باوەر نەكر,هەربەردەوام بوو لسەر ئەشكەنجەدانا مە هتا من جه نیشا وی دایی.پاش ئەو ماددە بكارئینان وئارام بوو گوتە من:ئەرێ‌ تو كیی؟هتا تو ڤی كاری ئەنجامدەی.بۆدەمێ‌ نەه هەیڤ وهندەكا ئەز دنەخۆشیا داژیام.ئەز ژ دنیایێ‌ تێربوم من گوت ئیدی ژیانا وەكی گیانەوەران بەسە,بێی كو هزرا زارۆكێ‌ خۆبكەم من پێكۆلا كوشتنا خۆكر ومن دەستێ‌ خۆ بری,غەفارێ‌ تونسی گەهشتە مال وئەز دوی بارودۆخیدا دیتم ئیكەسەر بەرەف من ڤەهات دەستێ‌ خۆ دانا سەر جهێ‌ برینا من هێزا خۆ هەمی بكارئینا وبرینا من گڤاشت ژمال دەركەفت.خوینا دەستێ‌ من نەراوەستیا,هاوار وقیرێنیێ‌ زارۆكێن من دنیا دهەژان,من دەرسۆكا خۆ ببرینا خو ڤەگرێدا  هتا پیچەك راوەستیای.درندێ‌ غەفارێ‌ داعش دوبارە زڤریەڤە وئەز دیتم بێ‌ دەرسوك جارەكا دی ئەز ئەشكەنجەدام  وكریارا سێكسی دگەل منكر ئەز دوی بارودۆخی دا.پاش ئێكسەر ئەز رەوانەی بازارێ‌ فروتنا بەنداكرم لوێرێ‌ ژی ئێكی ئەز بۆ خۆ هەلبژارتم من زانی بهایێ‌ من چل هزاربوو من ناڤێ‌ وی تیرۆرستی نزانی ب رێكێڤە  من گەلەك داخاز ژێكر هتا كۆ ئاڤەكێ‌ بۆ مە بینیت زحمەت رازیبوو وچۆ دائاڤێ‌ بۆ مەبینیت ئەز وزارۆكێ‌ خۆ رەڤیانە دمالەكا عەرەبدا مە داخازا هاریكاریێ‌ ژوانكر مە قورتال بكەن ومە لمالا خۆ ڤەشێرن.ئەم بۆماوێ‌ بیست ودوو روژا لمالا وان بوون هتا كۆ دەرفەت بۆ مە چێبوی,زەلامێ‌ وێ‌ مالێ‌ ژی ئەز رادەستی كەسەك دی كرم  من باوەری پێ‌ نەبو لێ‌ من چ هەلبژارتنێ‌ دی ژی نەبون چونكی ژیان لپێش چاڤێ‌ من رەش ببوو.من گوت یان ئەز دێ‌ مرم یان دێ‌ رزگاربم.لشەڤەكێ‌ وی كەسی گوتە من ئەم دێ‌ برێكەڤن لگەل لڤینا فرۆكێ‌  ئەم دێ‌ چن.مە نیشانێ‌ سوردیتن ئەز گەلەك ترسیام من گوت جارەكا دی ئەم هاتنەگرتن پشتی ئەم گەهشتن وێرێ‌ ئەو جه سەنگەرێ‌  پێشمەرگابوو وان پیشوازی لمەكرن ومە لوێرێ‌ خوارن خوار وجارەكا دی دگەل تاریبونا شەڤێ‌ ئەم برێكەفتن.هەر خالاكا پێشمەگا من هزر دكر بێ‌ وژدانێ‌ دەولەتا بناڤ ئیسلامی نە هتا ئەم گەهشتنە سنورێ‌ پارێزگەها دهۆكێ‌ بەری ئەم بگەهنە دناڤا دهوكێدا من صەیتەرەكا دی یا پولیسا دیت  دلێ‌ من پتر قوتا ونەئارامبوم من گوت ڤێجارێ‌ دوماهیك جارە وئەم رزگار نابنە بەلێ‌ سوپاس بۆ خۆدێ‌ ئەم رزگاركربون.نڤیسنگەها كاروبارێ‌ رزگابویا یا كاك نێچیرڤان بارزانی ئەم رەوانەی نەخوشخانێ‌ كرن وئەم هاتنە  پشكنینكرن.سەرەرای وان هەمی نەخۆشی و ئازارێ‌ ددەستێ‌ تیرۆرستێ‌ داعشدا دیتن چیرۆكا خۆ ڤەگۆهاست بێ‌ كۆ راوەستیت بەلێ‌ ئیناسێ‌ نەشیا خۆ وكرە گری وگوتـ:لڤێرێ‌ ئازارا من یامەزن دەست پێكر من ب مەندە هوشی ڤە گۆتە ئیناسێ‌ تو هاتی رزگاركرن چاوا ئازارا دەستپێكر؟ب ئوفینیڤە گوتە من:لدەمێ‌ ئەز گەهشتمە دناڤا خێزانا خۆدا من هەڤژینێ‌ خۆ نەدیتی ورزگار نەبویەبرینا من مەزنتر لێ‌ هات من چ ژێ‌ نزانی كایێ‌ ساخە یان مرییە.دیسا ئەز ژوێ‌ زیندانا دەستێ‌ داعشدا رزگاربوم وكەفتمە دزیدانەكادیدا كۆ پێك هاتبوو ژ خیڤەتەكا پچوك دگەل زاروكیت خو ئەز تیڤە دژیام,ئەم  چار ئافرەت دگەل دەیكا هەڤژینێ‌ من بتنێ‌ ژیان,بێ‌ كۆ هیچ زەلامەك دناڤ مەدا هەبن ژبەر كۆ چ زەلام ژمالا مە نەهاتبوونە  رزگاركرن.زەلامەك دگەل هەڤژینا خۆ خەلكێ‌ كۆمەلگەها خانكێبون خۆ لمەكرنە خودان دەمێ‌ ئەم پێدڤی بنەخوشخانێ‌ یان هەركارەكێ‌ دی هەبان مە پەیوەندی ب وێ‌ خێزانێ‌ دكر وان كارێ‌ مە برێڤەدبرن.روژهاتن وچۆن ئەو دەستێ‌ من ئەوێ‌ لدەمێ‌ من پێكۆلا كوشتنا خۆكری لدەستێ‌ داعشدا لمن بوو ئێش,هتا بهەرحال وگەلەك زحمەت نشتەگەریەكا مەزن بۆمن هاتە ئەنجامدان سوپاس بۆخودێ‌ بسەركەفتیانە دوماهیك هات.لێ‌ ئیش وئازارێ‌ من بدوماهیك نەهاتن,هەردەم زارۆكێ‌ من پرسیارا خالدێ‌ بابێ‌ خۆدكرن من هیچ بەرسڤ نەبون ژبلی گریێ‌.هەرۆژ من وێنێ‌ هەڤژینێ‌ خۆَ نیشا زارۆكێ‌ خۆدكر دابابێ‌ خۆ ژبیرنەكن.روژهاتن وچون دەلیڤە بۆمن چێبو ئەز بەرەف ئورپاڤە بچم دگەل زارۆكین خۆ.ل وەلاتێ‌ كەنەدا ئەم ئاكنجی بوون.نها دناڤا وی وەلاتی دا من ژیانا خۆ   بەردەوامكریە و كار ژبۆ پاشەرۆژا زارۆكێ‌ خۆ دكم داكو دناڤ ژیانەكا تاری و بەرزەبوی دا نەژین وەكو یا بابێ‌ خو یێ‌ كو بدەستێ‌ داعشێ‌ بەرزەبوی. 
                                                   


زۆرترین بینراو
© 2024 Awene Online, Inc. All Rights Reserved.
×