كۆمپانیایەكی ئەڵمانی بەنیازە لەبواری ژینگە‌و ئاو لەسلێمانی كار بكات
  2019-06-10       740       


كۆمپانیای "ئێن ڤنت" ی ئەڵمانی لەبواری پاكراگرتنی ژینگە‌و ئاو لەپارێزگای سلێمانی كار بكات، قایمقامی سلێمانیش رایدەگەیەنێت دەیانەوێت چارەسەری پیسبونی ئاوی تانجەرۆ‌و دەریاچەی دەربەندیخان بكەن، داواش لەو كۆمپانیا ئەڵمانیە دەكات لەقۆناغی یەكەم ئۆفیسی خۆیان لەسلێمانی بكەنەوە.


ئاوێنە: بەپێی هەواڵێكی راگەیاندنی قایمقامیەتی سلێمانی لەمیانی سەردانێكی سەرۆكی كۆمپانیای "ئێن ڤنت" بەشی عێراق بۆ قایمقامیەتی سلێمانی باسیان لەوەكردوە كە بەنیازن لەبواری پاك راگرتنی ژینگە‌و ئاو كار لە سلێمانی بكەن‌و كارێكی ستراتیژی ئەنجام بدەن‌و بەتایبەت كار بۆ پاككردنەوەی ئاوی چەمی تانجەرۆ‌و دەریاچەی دوكان بكەن كە بەهۆی تێكەڵبونی پاشەرۆكانەوە پیسبون.


ئاماژەبەوەش دەكرێت كە ئاوات موحەمەد، قایمقامی سلێمانی بە سەرۆكی كۆمپانیاكەی وتوە لەقۆناغی یەكەمدا لەسلێمانی ئۆفیس بكەنەوە‌و پاككردنەوەی ئاوی دەریاچەی دەربەندیخان‌و تانجەرۆشی بە پرسێكی ژیانی ناوبردوە كە هیچ جێگرەوەیەكی نیە بۆ دواخستنی.


زۆرترین بینراو
© 2018 Awene Online, Inc. All Rights Reserved.
×