دۆناڵد ترامپ عەرەبەكان سوك‌و ڕسوا دەكات!
نەوزادی موهەندیس
2020-09-11 728
كەمتر لە 2 مانگی تر هەڵبژاردنی سەرۆكایەتی ئەمریكا ئەنجام دەدرێت.كێبڕكێیەكی توند هەیە لە نێوان ترامپ و جۆبایدندا.
ترامپ كارتی دەرەكی بەكار دەهێنێت بۆ دەرچونەوەی وەك:
1. توندكردنەوەی ململانێی سیاسی و ئابوری و ئەمنیەكانی لەگەڵ چیندا.ڕەنگە جەنگیشی دژ ڕابگەیەنێت و پشتیوانی تایوانیش دەكات.
2. دژایەتیكردنی ئێران.
3. كشانەوەی هێزە سەربازیەكان لە ئەفغانستان و عێراقدا.
4. پشتیوانیكردنی تەواوەتی ئیسڕائیل وەك هاوپەیمانیەكی ستراتیژی لەناوچەكەدا.چونكە بەبێ پشتیوانی لوبی جولەكە مەحاڵە هیچ كەسێك ببێتە سەرۆكی ئەمریكا.
5. زەلیلكردن و ڕسواكردنی هەموو عەرەبە لە بەردەم ئیسڕائیلدا و بەكارهێنانیان دژی ئێران،بەڕێكەوتنی ئیمارات و بەحرەین لەماوەی كەمتر لەمانگێكدا و كاركردنی زیاترە بۆ ڕێكەوتنی سعودیە و سودان و كوێت و قەتەر و ...هتد.بەهەمان شێوە.
ئەوەی لەماوەی 72 ساڵی تەمەنی ئیسڕائیلدا ولەماوەی سەرۆكایەتی 13سەرۆكی ئەمریكادا تەنها توانیان میسر و ئوردون ڕازیبكەن كەڕێكەوتنامە لەگەڵ ئیسڕائیلدا مۆر بكەن،بەڵام ترامپ بەتەنها لەماوەی 2 مانگی حوكمڕانیدا توانیویەتی كە 3 وڵات ڕازیبكات ڕێكەوتن ئیمزا بكەن و ئەوەندەی تریش لە سەرەدان.ئەمە دەسكەوتێكی گەورەیە بۆ ترامپ و ئیسڕائیل.
* ئەمانە هەمووی لە پێناو بونەوەی بە سەرۆكی ئەمریكادا دەكات وەك هەڵمەتی هەڵبژاردن.. ڕەنگە چەندین هەنگاوی نوێ و چاوەڕواننەكراوی تریش بنێت بەو ئاڕاستەیە.
دیارە هەر لای خۆمان كورسی و دەسەڵات خۆش نیە بەڵكو لای ئەمریكی و ئەوروپیەكانیش بەهەمان شێوەیە.
* لەكۆتایدا دەبینین گەر ترامپ دەرنەچێتەوە چۆن عەرەبەكان ڕیسوا و سوك و سەلیم دەبن لەبەردەم گەل و كۆمەڵگاكانیاندا و هیچ دەسكەوتێكیشیان دەستناكەوێت جگە لە بچوكبونەوە و ڕیسوا بونیان.
بۆیە سیاسەت لەسەر پاراستنی بەرژەوەندیەكانی وڵات و گەلی خۆت دەكرێت نەك لە پێناو پاراستنی بەرژەوەندی وڵات و كەسانی تردا. چونكە یەكەمیان دەچێتە خانەی وڵاتپارێزیەوە و دووهەمیشیان دەچێتە چوارچێوەی وڵات فرۆشی و خیانەتكردنەوە.