قسەکردن بۆ بەتاڵکردن، هەمو جار نزیک لە هەڵبژاردن دەسەڵاتەکان دەکاتە کۆترو دایکە بەسۆزەکەی میللەت، نەرم و هێمن و دڵفراوان، بەخشندەو بچوکی هەموان، نمایشێک دەکەن بە ئاسانی برینەکانی لە خاک و گەلدا دروستیان کردوە بە خۆڵی زمان لوسی و خزمەتکاری میللەت دەیشارنەوە .

کۆبونەوەی بلاسخارت لەگەڵ سەرجەم حزبەکانی کوردستان بۆ زەنگی ئاگادارکردنەوە بو، ئەگەر هەڵبژاردنی ئەمجارە بەو رێژە کەمە خەڵک بەشدار بێت کۆمەڵگای نێودەوڵەتی پشت لە دەسەڵاتی کوردی دەکات، ئەم دەسەڵاتە یەک لە دوای یەکانەی هەرێمی کوردستان خۆیان باش دەزانن چ نەهامەتییەکیان بۆ ئەم خاک و گەلە دروستکردوە، پێویستیان بە کەس نییە بەرچاو رونیان بداتێ، هێندە وڵاتێکی گەورەیان بە دەستەوە نییە تا فریانەکەون نەهامەتییەکانی میللەتەکە نەبینن، دو پارێزگاو لەتێکە، دابەشکراوە بەسەر دو پارتی سەرەکی، هەردو لایان بەهۆی ماشینەوەی زەوی و خاکی ئەم دو پارێزگایە کۆڵان بە کۆلان و شەقام بە شەقامی هەموی شارەزان، هەمو ئەو کێشانەی ئەمڕۆ هەن خۆیان خولقێنەرین، نە سروشت بوە نە تاکەکانی گۆمەڵگا .

ئەو نمایشانەی دەکرێت لەگوێگرتنی دەسەڵات بۆ رۆژنامەنوسان و میدیاکاران جگە لە نمایشێکی کارتۆنی هیچی تر نییە، وەک دەرزی بەنج کۆمەڵێ پەیمانی درۆین و کۆمەڵێ ئۆفەری کاتی دەدەنە میللەتەکە تا کارەکەی خۆیان مەیسەر دەبێت، پاشان دەگەڕێنەوە سەر بەڕە کۆنەکەیان، سەردەمێک بە بەرنامەی تەنزئامێز، سەردەمێک بە ئۆپۆزسیۆنی درۆینی دەستکردی خۆیان و سەردەمێک بە دروشمی قەبە قەبە میللەتیان هەڵخەڵەتاندو توڕەیی مییللەتیان دامرکاندەوە، ئێستاش بەم دیموکراسییە درۆینەیەو بەم دڵە فراوانە دروستکراوە، تەنها ئەوەندەی هەڵبژرادن بەردەوام دەبێت، کێشەی میللەت ئەوەیە خۆشباوەڕو زو باوەڕە، با ئەمجارە دلفراوانی و سەرکردەکان لە گوێگرتن بۆ کوردێ کە بە فارسی قسان دەکاو لە نمایشی  گوێگرتن و وتنی راستییەکان لە بەرچاو رۆژنامە نوسان و میدیاکاران کاری خۆیانمان پێ بەرێدەکەن، وەک کورد وەتەنی دەڵێ ئەمجارەش دەستێکی تەڕمان بۆ پێدا دەهێنن.