بۆچی بارودۆخی عێراق نائارامە؟

سەرهەد شێخە
  2022-09-09   

وڵاتی عێراق هەر لەسەرەتایی دروست بوون و بونیادنانیەوە لە دوای جەنگی جیھانی یەکەم، بەدیاریکراوی لە ساڵانی بیستەکانی سەدەی ڕابردوو تاوەکو ئەمڕۆ ئارامی و ئاسایشی و ئۆقرەیی بەخۆیەوە نەبینیووە، بە ئەزموون کردنی هەر سێ سیستەمی (پاشایەتی، دیکتاتۆری و دێموکراسی)، کە ئەمەش دەرئەنجامی کۆمەڵێک هۆکارە کە گرنگترینیان لە خوارەوە دەخەینەڕوو :

یەک: بوونی فرەیی (نەتەوەیی، ئاینی و مەزهەبی ...)، بووە بەهۆی شەڕ و ئاڵۆزی و نائارامی و خوێن ڕشتن.

دوو: بوونی دەرامەتی سروشتی، بەتایبەت (نەوت و غاز) ئەمەش وایکردووە وڵاتانی پیشەسازی لەپێناو دەستکەوتنی ئەم دەرامەتانە مەبەستیان نەبێت کە ئەم وڵاتە ئارام و ئاسایش بەخۆیەوە ببینێت، وەکو ئەم پەندەی کە دەڵێت: دز بازاڕی شێواوی دەوێت.

سێ: گرنگی و بایەخی پێگەیی عێراق لە ڕۆژهەڵاتی ناوەڕاستدا ئەمەش ترسی لەلای وڵاتانی هەرێمی و نێودەوڵەتی دروست کردووە ، ئەگەر عێراق وڵاتێکی سەقامگیربێت ڕەنگە ببێتە مایەی هەڕەشە لەسەر ئاسایشی ئەم وڵاتانە، بەدیاریکراوی وڵاتی ئیسرائیل کە لە شەڕی عەرەب - ئیسرائیل، دژایەتی ئیسرائیلی کرد لەم جەنگەدا. لەم دوایەشدا پەرلەمانی عێراق دژی ئاسایی کردنەوەی پەیوەندی وڵاتی عێراق لەگەڵ ئیسرائیل دەنگی دا.

چوار: کاریگەری و پابەندبوونی پێکهاتەکانی بەلایانی خێڵەکی و هۆزگەرایی، نەبوونی هەستی نیشتمانی کە وا بکات هەموو پێکهاتەکان بەبێ جیاوازی بە شێوەیەکی دادگەرانە ڕێز لێگراوبن و ھەست بە ھاوڵاتی بوون بکەن.

هۆکاری کۆتایی : دەست تێوەردانی دەرەکی وایکردووە وڵاتانی هەرێمی و نێودەوڵەتی لە بەرژەوەندی خۆیان دەست لە کارو باری نێوخۆی عێراق وەربدەن ئەمەش بووە بەهۆکاری شەڕو ململانێی نێوان پێکهاتەکان و تەنانەت شەڕو ململانێی نێوان خودی پێکهاتەکانیش وەکو ململانێی نێوان شیعەکان، سوننەکان، کورد و ململانێی نێوان شیعە - شیعە و لایەنەکانی تریش.

هەموو ئەم هۆکارانەی سەرەوە پێمان دەڵێن کە ئایندەی عێراق سەقامگیر نیە و ئارامی بەخۆیەوە نابینێت.

زۆرترین بینراو
ئێران هەڵوێستی خۆی لەسەر کاراکردنەوەی پەرلەمانی کوردستان و کشانەوەی یەکێتی لە حکومەت ڕاگەیاند
مەسعود بارزانی داوای کۆبوونەوەی ڕاستەوخۆی پارتی و یەکێتی دەکات
دانەغاز:به‌رهه‌مهێنان بەشێوەیەکی کاتی له‌ كۆرمۆر هەڵپەسێردرا
كۆبونه‌وه‌ی زه‌یدی و مه‌سرور بارزانی: جه‌خت له‌ گه‌ره‌نتی به‌رده‌وامی خه‌رجكردنی موچه‌ی هه‌رێم كرایه‌وه‌
عێراق هه‌واڵی سه‌ردانه‌ نهێنییه‌كه‌ی زه‌یدی بۆ تاران پشتڕاست ده‌كاته‌وه‌
وته‌بێژی پارتی: ئاماده‌ین بۆ گفتوگۆ و كۆبونه‌وه‌ له‌گه‌ڵ برایانی یه‌كێتی
لە چەکی ئەتۆمییەوە بۆ هێرشی وشکانی؛ چوار سیناریۆی ترەمپ بۆ قۆناغی داهاتووی جەنگی ئێران بڵاودەکرێتەوە
یەکێتی و نەوەی نوێ لە دادگای فیدراڵیی سکاڵایان لە دانیشتنی پەرلەمان تۆمارکرد
مەسرور بارزانی بە شاندێکی تەنها پارتییەوە لە بەغدایە؛ گفتوگۆ لەسەر پشکی هەرێم لە بودجەی ٢٠٢٧ دەکرێت
سەرۆکی میت نەخشەڕێگای ئەنقەرە بۆ چارەسەری پرسی کورد ئاشکرا دەکات و پەکەکەش داوای هەنگاوی کرداری دەکات
© 2026 Awene Online, Inc. All Rights Reserved.
×